Səhra üçün mənbəyə bax

{{səhv salma|Çöl}}
[[Fayl:Deserts.png|thumb|350px|Dünyanın ən böyük səhraları]]
[[Fayl:ValleLuna-002.jpg|thumb|250px|right|[[Atakama]] səhrası, [[Çili]]. Peru cərəyanı, atmosferin aşağı qatlarını soyudur və atmosfer çöküntülərinin düşməsinə (ildə 50 mm-dən də az) mane olan temperatur inversiyasını yaradır. Elə buna görə də, bu səhra Yer kürəsinin ən quraq yeri hesab olunur.]]
[[Fayl:Namib_desert_dunes.jpg|thumb|250px|right|Namibiya səhrası]]
'''Səhra''' — [[bitki]] örtüyünün və [[heyvan]]lar aləminin kasadlığı ilə səciyyələnən düzən səthli landşaft növüdür. Çox quraqlıq, isti havanın gündəlik və illik temperaturu kəskin fərqlənən, illik yağıntısı 250 mm-dən aşağı, buxarlanma yağıntıdan xeyli çox, güclü külək əsən, daimi axan çayları olmayan, çox seyrək bitki örtüyü olan ərazi.

Səhraların iki növü mövcuddur: Qum səhraları və buz səhraları.

Qum səhralarında vahələrə (oazislərə) də rast gəlinir. Vahələr suyun səthə yaxın yerlərdə toplanmasından əmələ gəlir. Bitkilər bu yerlərdə bitir, bunu nəticəsində vahə yaranır.

== Xüsusiyyətləri ==
Səhranın əmələ gəlməsinin ən başlıca səbəbi yağıntının buxarlana biləcək sudan 7–30 dəfə az olmasıdır. Səhranın özünəməxsus iqlimi vardır. Göy üzü aylarla buludsuz olur. Maksimum temperatur +49,5°, +58°-yə çatır, gün altında qumun səthi 90° qızır, illik temperatur amplitudası 90°, gündəlik 30°-yə qalxır. Orta Asiya səhralarında yağıntının illik miqdarı 60–150 mm, Mərkəzi Asiya (Təklə-Məkan) 9 mm, tropik səhralarda isə hər yerdə 100 mm-dən azdır.<ref>Məmmədov Q.Ş. Xəlilov M.Y. Ekoloqların məlumat kitabı. "Elm" nəşriyyatı. Bakı: 2003. 516 s.</ref>

[[Şimali Afrika]] və Ərəbistan səhralarında bir neçə il ərzində yağış düşməyən yerlər də vardır. Səhraların zəbt etdiyi ərazi bütün qurunun təqribən 30%-ni tutur. Səth quruluşuna görə səhralar qumlu, daşlı, gilli və şoranlı səhralara bölünür. Qarlı səhralar da mövcuddur ([[Antarktida]] və [[Arktika]]da). Ən məşhur səhra Afrikanın demək olar ki bütün şimalını əhatə edən [[Saxara]] səhrasıdır. Dünyanın ən iri duzlu səhrası [[Salar-De-Uyuni səhrası]]dır.

İsti səhralarda temperatur gündüz +50 °C-dən yuxarı, gecə isə 0 °C-dən aşağı ola bilər.

Səhralarda illik yağıntının miqdarı çox aşağı olur.

Amerika səhralarında ən çox rast gəlinən bitki [[kaktus|kaktusdur.]]

== Azərbaycanda vəziyyət ==
Azərbaycan Respublikası üçün səhralar xarakterik deyil. Burada səhraya yaxın landşaft fraqmentləri [[Abşeron yarımadası]]nda, Kür-Araz ovalığında, [[Naxçıvan]]-nın Araz boyu ərazisində təsadüf edilir.

== İstinadlar ==
 {{İstinad siyahısı}}

== Həmçinin bax ==
* [[Barxan]]

{{Təbii zonalar}}

[[Kateqoriya:Səhralar| ]]
[[Kateqoriya:Təbii zonalar]]