Sonuncu rəqs (miniserial, 2020)

Sonuncu rəqs
ing. The Last Dance
Əsas mövzu	Maykl Cordan, Chicago Bulls
Distribütor	Netflix
Müddət	50 dəq.
Ölkə	ABŞ
Dil	ingilis dili
IMDb	ID8420184
Vikianbarda əlaqəli mediafayllar

Sonuncu rəqs — "ESPN Film" və Netfliksin 2020-ci ildə birgə istehsalı olan sənədli idman serialı. Rejissoru Ceyson Hehir olan serial əsasən Maykl Cordanın karyerasından, xüsusilə də onun Çikaqo Bulls komandasında oynadığı son mövsümdən bəhs edir.

Serialda Bulls komandasının bütün oyunlarında iştirak / pərdə arxası məqamları lentə almaq hüququ olan çəkiliş qrupunun eksklüziv kadrları, həmçinin Cordan, Skotti Pippen, Denis Rodman, Stib Kerr və Fil Cekson kimi bir çox NBA məşhurlarının müsahibələri yer alıb.

ESPN2 serialın ailə baxışı üçün nəzərdə tutulmuş alternativ versiyasını yayımladı və bu versiyada isə serialda eşidilən söyüşlərin əksəriyyətini çıxardı.  Rejissorluğu və redaktəsi baxımından bu serial tənqidçilər tərəfindən bəyənildi. Serial 72-ci Praymtaym Emmy Mükafatlarında Ən yaxşı sənədli serial üzrə Emmy Mükafatını qazandı.

Qısa məzmun

Bu sənədli mini serialda Maykl Cordanın karyerası və Çikaqo Bullz komandası, həmçinin onun 1997-98-ci illərdə Bulls komandasının tərkibində olduğu mövsüm və komandada oynadığı son mövsüm haqda materiallar əksini tapıb: serialda əvvəllər heç vaxt yayımlanmayan kadrlardan istifadə edilib.

Serialın istehsalı və yayımı

Serialda  müsahibələrlə yanaşı, Çikaqo Bulls komandasının 1997-98-ci illərdəki  mövsümündən heç vaxt yayımlanmayan kadrlar var. 500 saatdan çox davam edən və lentə alınan bu kadrlar 10 seriyalı sənədli filmin hazırlanmasında  istifadə edilib. O zamanlar NBA Entertainment-in rəhbəri olan Adam Silverin dediyinə görə, Cordan  bu çəkilişlərə kadrların yalnız onun birbaşa icazəsi ilə istifadə olunacağı şərti ilə  razılıq verib.  Uzun illərdən və serial təkliflərindən əksər hallarda imtina etdikdən sonra, Cordan Mayk Tollinin sənədli  serial təklifini qəbul etdi.

ESPN və Netflix 10-hissəli sənədli serialın birgə istehsalına başladıqlarını 2018-ci ilin May ayında elan etdilər və ilk rəsmi treyler 25 dekabr 2018-ci ildə yayımlandı. 2019-cu ilin dekabrında digər treyler yayımlandıqdan sonra serialın yayım tarixi 2020-ci ilin Iyun ayına təxirə salındı. Lakin, COVID-19 pandemiyası səbəbindən ESPN serialın son treylerini 31 Mart 2020-ci ildə yayımladı və "Sonuncu rəqs"in premyerasını 19 Aprel 2020-ci il tarixinə çəkdi.

Hehirin sözlərinə görə, Cordan şəxsi həyatının məxfiliyini qorumaq üçün müsahibələri evində  lentə almaqdan imtina edib. Müsahibələr üç fərqli evdə çəkilib: biri prodüser tərəfindən icarəyə götürülmüş evdə, ikisi isə prodüseri  dostlarının evində. Beşinci seriya 26 yanvar 2020-ci ildə helikopter qəzasında həlak olan Kobe Brayantın xatirəsinə həsr olunub. Serialın əvvəlində Bryantın müsahibəsi yer alıb.