Sumqayıt Dövlət Universitetinin nəzdində Sumqayıt Dövlət Texniki Kolleci

Vikipediya, açıq ensiklopediya
(Sumqayıt Dövlət Texniki Kolleci səhifəsindən istiqamətləndirilmişdir)
Jump to navigation Jump to search
Picto infobox université.png
Sumqayıt Dövlət Texniki Kolleci

Əsası qoyulub 26 avqust 2002
ŞəhərSumqayıt
ÖlkəFlag of Azerbaijan.svg Azərbaycan
ÜnvanSumqayıt şəhəri

Sumqayıt Dövlət Texniki KolleciAzərbaycan Respublikası Təhsil Nazirliyinin tabeliyində olan orta-ixtisas təhsili müəssisəsi[1]

Tarixi[redaktə | əsas redaktə]

26 avqust 2002-ci ildə Azərbaycan Respublikası Nazirlər Kabinetinin Qərarına əsasən Sumqayıt Texnologiya Texnikumunun bazasında yaradılmışdır[2].

İxtisaslar[redaktə | əsas redaktə]

Kollecdə aşağıdakı ixtisaslar üzrə mütəxəssislər hazırlanır:[3]

  • Texnologiya müəllimliyi;
  • Mühasibat uçotu;
  • Gömrük işi;
  • Elektrik stansiyalarının və yarımstansiyaların elektrik avadanlıqlarının quraşdırılması;
  • Nəqliyyat vasitələrinin texniki istismarı (nəqliyyat növləri üzrə);
  • Nəqliyyatda daşımaların təşkili;
  • Yol hərəkətinin təşkili;
  • Kompyuter şəbəkələrinin və hesablama texnikasının təmiri və servis xidməti;
  • Kimyəvi birləşmələrin keyfiyyətinə analitik nəzarət.

Sumqayıt Dövlət Texniki Kolleci 1959-cu ildən fəaliyyət göstərən Sumqayıt Texnologiya Texnikumunun bazasında yaradılmışdır. İlk adı "Sumqayıt Texnologiya Texnikumu", sonra "Sumqayıt Kimya-Texnologiya Texnikumu" olmuş. 1992-ci ildən yenidən "Sumqayıt Texnologiya Texnikumu" adlandırılmışdır. Azərbaycan Respublikası Prezidentinin 1999-cu il 15 iyun tarixli 168 saylı sərəncamı ilə təsdiq edilmiş"Azərbaycan Respublikasının Təhsil sahəsində islahat Proqram"na əsasən. Azərbaycan Respublikası Nazirlər Kabinetinin 26 avqust 2002-ci il tarixli 140 saylı qərarı və Azərbaycan Respublikası Təhsil Nazirliyinin 06 sentyabr 2002-ci il tarixli 878 saylı əmri ilə "Sumqayıt Texnologiya Texnikumu "nun adı dəyişdirilib "Sumqayıt Dövlət Texniki Kolleci" adlandırılmışdır. Kollec fəaliyyət göstərdiyi 44 il ərzində şəhərin və Respublikanın habelə keçmiş SSRİ-nin bir sıra şəhərlərinin sənaye müəssisələrini müxtəlif ixtisaslı kiçik mütəxəssislərlə təmin etmişdir və bu məzunların ümumi sayı 20 mindən çoxdur. Bu mütəxəssislər şəhərimizin neft-kimya sənayesi müəssisələrində işləyən orta manqa rəhbərliyinin və yüksək ixtisaslı fəhlələrin indi də əksəriyyətini təşkil edir. Bundan başqa, xalq təsərrüfatının digər müəssisələrində və təşkilatlarında çalışan məzunlarımızın da sayı çoxdur. Məzunlarımızdan keçmiş SSRİ-nin "Əməkdar ixtiraçısı". "Sosialist Əməyi Qəhrəmanı", əməkdar mühəndis kimi fəxr adları layiq görülmüşlər. Dövlət mükafatları, orden və medallarla təltif olunmuşları da vardır. Kollecin məzunlarına kimyaçı -texnoloq, mexanik, kimyaçı – lobarant, trikotacın texnologiyası üzrə texnoloq, hüquq və gömrükxana işi, ekispertizası, mühasibat uçotu və audit, istehsal və xidmət sahələrinin iqtisadiyyatı və idarə edilməsi, əmək təlimi dövlət yol inzibati hüquq fəaliyyəti və bir neçə başqa ixtisas üzrə kiçik mütəxəssis ixtisas dərəcəsi verilmişdir. Kollecdə kiçik mütəxəssislərin hazırlanması üçün dövrün tələbləri ilə ayaqlaşan maddi-texniki baza və ixtisaslı müəllim he’yəti vardır. Kollec şəhərin sənaye müəssisələri, təşkilatları, elmi ocaqlar, təhsil müəssisələri ilə işgüzar əlaqələr saxlayır, tələbələrin aldıqları nəzəri biliklərin təcrübədə möhkəmləndirilməsində onların köməyindən istifadə edir. Belə müəssisələrə sanitariya-epidomologiya mərkəzi şəhər təhsil şöbəsinin 5, 15, 18, 22, 34 saylı məktəblərin, Sumqayıt Dövlət Universiteti, Elmlər Akademiyasının Polimer Materialları İnstitutu, "Üzvi Sintez", "Etilen- propilen". "Sintezkauçuk", "Səthi aktiv maddələr" zavodlar və başqaları aiddirlər. Kollecdə təlim-tərbiyə işlərinin təhsildə aparılan islahatlara, təhsil qanunun tələblərinə müvafiq səviyyədə aparılmasına, məzunların mütəxəssis kimi yerləşdirilməsinə ciddi fikir verilir. Respublika Təhsil Nazirliyinin əmrləri, göstərişləri, təlimatları dəqiq və vaxtında yerinə yetirilir. Nazirliyinin Təhsil problemləri İnstitutu, Azərbaycan Müəllimlər İnstitutu ilə müntəzəm əlaqə saxlanılır, normativ tədris sənədləri blankları alınır, tədris planları və dərs proqramları üzərində birgə iş aparılır müəllimlərin ixtisasartırma kursunda iştirakları təmin edilir. Kollecdə 140 nəfərdən çox müəllim çalışır. 1300 nəfərdən çox tələbə təhsil alır. Əyani və qiyabi təhsil şöbələri vardır. Kollecdə tələbə qəbulu əsas təhsil bazasından isə test üsulu ilə aparılır. Tələbələr həm dövlət hesabına, həm də ödənişli əsaslarla təhsil alırlar. Kollec dövlət statusuna malik olan tədris müəssisəsidir. 3 mərtəbəli tədris binası, 2 mərtəbəli laboratoriya binası vardır. 50-dən çox geniş auditoriya, laboratoriya və fənn kabinetləri otağına malikdir. 240 nəfərlik yataqxanası da vardır. Kollecin 3 əyani şöbəsi, "Əmək təlimi və iqtisadiyyat", "Gömrük və yol polisi", "Avtomobil nəqliyyat" və 2 qiyabi şöbəsi vardır.

KOLLECİN MADDİ-TƏDRİS BAZASI[redaktə | əsas redaktə]

Tədris prosesinin aparılmasını təşkil etmək, tələbələrin nəzəri biliklərinin təcrübədə möhkəmləndirilməsini, laborator-praktiki məşğələlərin yerinə yetirlməsini təmin etmək üçün kollecin aşağıda göstərilən maddi- texniki bazası vardır. Kollecin 3 mərtəbəli tədris binası, onun yanında ona perpendikulyar şəkildə tikilmiş bir mərtəbəli binası vardır. Burada "Analitik kimya" laboratoriyası və "Texniki mexanika" kabineti yerləşir. Birmərtəbəli binadan sonra inşa edilmiş və onunla bir planda yerləşdirilmiş ikimərtəbəli binanın birinci mərtəbəsində iclas zalı, çilingər-mexaniki emalatxanası, idman oyunları otağı, ikinci mərtəbəsində isə kimya laboratoriyaları yerləşir. Əsas tədris binasının 3 mərtəbəsində 8 laboratoriya, 17 fənn kabineti və 24 auditoriya vardır. Kollecin həyətində yaşıllıq zolaqları, fiziki tərbiyə və gənclərirn çağırışaqədərki hazırlıq dərslərini keçmək üçün 2 açıq idman kompleksi, güllə atmaq üçün 25 metr uzunluğu 3,5 metr eni olan örtülü tir vardır. Yardımçı tikililərdə xarrat emalatxanası, kollecə məxsus olan QAZ-51 markalı yük maşınını saxlamaq üçün qarac, müxtəlif anbarlar, fəaliyyət göstərən hamam yerləşir. Əsas binanın üçüncü mərtəbəsində fondu 3000-ə yaxın kitab təşkil edən, texniki, iqtisadi və bədii ədəbiyyətları olan kitabxana, birinci mərtəbəsində sahəsi 300m olan, avadanlıqla təchiz olunmuş yeməkxana vardır. Direktor: Razim Vəli oğlu Binnətov

Mənbə[redaktə | əsas redaktə]

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. "Orta ixtisas təhsili müəssisələri şəbəkəsinin təkmilləşdirilməsi haqqında" Azərbaycan Respublikası Nazirlər Kabinetinin 26 avqust 2002-ci il tarixli, 140 nömrəli Qərarı.  (azərb.)
  3. 2011-ci ildə orta ixtisas təhsili müəssisələrinə tələbə qəbulu planının təsdiqi barədə Azərbaycan Respublikası Nazirlər Kabinetinin 1 iyul 2011-ci il tarixli, 176s nömrəli Sərəncamı.  (azərb.)