Tofiq Əhmədov (jurnalist)

Vikipediya, azad ensiklopediya
(Tofiq Əhmədov (I) səhifəsindən istiqamətləndirilmişdir)
Jump to navigation Jump to search
Tofiq Əhmədov
Tofiq Bəşir oğlu Əhmədov
Doğum tarixi
Doğum yeri Laçın
Vəfat tarixi
Milliyyəti azərbaycanlı
Təhsili

Əhmədov Tofiq Bəşir oğluSSRİ Jurnalistlər İttifaqının üzvü.

Həyatı[redaktə | əsas redaktə]

1934-cü ildə Laçın şəhərində anadan olmuşdur[1]. Orta məktəbi bitirdikdən sonra 1952-ci ildə Azərbaycan Kənd Təsərrüfatı İnstitutuna daxil olmuş, 1957-ci ildə tam kursu müvəffəqiyyətlə bitirmişdir.

İnstitutu bitirdikdən sonra Laçın rayonuna təyinat almış və gənc mütəxəssis kimi öz ixtisası üzrə aqronom vəzifəsində işləməyə başlamışdır.

1959-cu ildə Laçın şəhər orta məktəbində müəllim işləmiş, 1961-ci ildə isə Laçın şəhər 1№li orta məktəbinə tədris hissə müdiri təyin edilmişdir.

1966-cı ildə Laçın Rayon Partiya Komitəsinə təlimatçı təyin edilən T.Əhmədov 1968-ci ildə "Laçın" qəzetinin kənd təsərrüfatı şöbəsinə müdir vəzifəsinə irəli çəkilir. Peşəkarlığı və işgüzarlığı sayəsində 1980-ci ildə məsul katib, 1988-ci ildən isə redaktor müavini təyin edilir.

25 il jurnalist kimi fəaliyyət göstərən T.Əhmıdov 1979-cu ildən SSRİ Jurnalistlər İttifaqının üzvü olmuşdur.

Müxtəlif səpkili yazıları hər zaman rayon sakinləri tərəfindən ehtiramla qarşılanmış, yaxşı mənada diqqəti cəlb etmişdir. Rayonun bütün kəndlərini, müəssisə və təsərrüfatlarını bir-bir gəzərək qabaqcıl işçilər, zəhmət adamları, eyni zamanda nümunəvi müəssisələr haqqında silsilə yazılar, maraqlı oçerklər qələmə almışdır.

Həyat yoldaşı və 4 övladı Bakı Dövlət Universitetini bitiriblər.

1992-ci il iyul ayında Azərbaycan Respublikası İqtisadiyyat Nazirliyində "Kommersiya-informasiya" xidməti şöbəsinin müdiri vəzifəsinə təyin edilmişdir. 1999-ci ilə qədər həmin vəzifədə çalışmış, sonra təqaüdə çıxmışdır.

Tofiq Əhmədov 25 dekabr 2012-ci ildə ömrünün 79-cu baharında dünyasını dəyişdi.

İstinadlar[redaktə | əsas redaktə]

  1. "Laçın yurdu" jurnalı, №3(10), Bakı, "Bəxtiyar-4" nəşriyyatı, 2013. – səh.87–88