Torpağımız... tariximiz... taleyimiz... (film, 2015)

Vikipediya, azad ensiklopediya
(Torpağımız... Tariximiz... Taleyimiz... (film, 2015) səhifəsindən istiqamətləndirilmişdir)
Jump to navigation Jump to search
Torpağımız... tariximiz... taleyimiz...
Torpağımız... tariximiz... taleyimiz... (film, 2015).jpg
Janr sənədli film
Rejissor Füzuli Sabiroğlu
Əsərin müəllifi Füzuli Sabiroğlu
Ssenari müəllifi Füzuli Sabiroğlu
Operatorlar Mir Rəsul Cəfərov
Sədrəddin Mirzəyev
İstehsalçılar Lider Qrafika,
"Azərbaycan" redaksiyası
İlk baxış tarixi 13 aprel 2015
Filmin növü tammetrajlı sənədli film
Rəng rəngli
Ölkə Azərbaycan Azərbaycan
Dil azərbaycanca
İl 2015
Bölüm sayı 20

Torpağımız... tariximiz... taleyimiz... — İlk dəfə 2015-ci il aprel ayının 13-dən may ayının 14-nə kimi Lider TV-də yayımlanan çoxseriyalı sənədli film. Filmin müəllifi və rejissoru Füzuli Sabiroğludur.[1]

Film ikinci dəfə 8 iyun 2016-cı ildən yayımlanmağa başlamışdır.

Məzmun[redaktə | mənbəni redaktə et]

Film Heydər Əliyevin nitqi ilə başlayır:

"Bundan sonra da elə əsərlər yaranmalıdır ki, o əsərlər indi Ermənistan yerləşən həmin torpaqların Azərbaycana məxsus olmasını daim ardıcıl surətdə sübut etsin. Biz bunu etməlyik. Biz gələcək nəsillər üçün bir yol açmalıyıq. Biz bununla heç vaxt razılaşa bilmərik. Tarix böyükdür. Bir əsrdə olan hadisələr də sonrakı əsrdə dəyişilə bilir. Biz sadəcə, bu həqiqətləri əks etdirməliyik. Ancaq nə vaxt, nə mümkün olacaq, — bunu tarix göstərəcəkdir."

Bu filmlərdə əsas xətt tarixi faktlar və sənədlər üzərində qurulmuşdur. Sadəcə bəzi bölgələrin folklorundan filmin müəllifi elementlər kimi istifadə etmişdir ki, bu da süjet xəttindəki gərginliyi yumşaltmağa xidmət edir.

Film Qərbi Azərbaycanın gizli işğalı haqqında cəmiyyətin qarşısında duran bir çox tarixi suallara cavab verir. Sensaion arxiv sənədlərinə söykənən tarixi faktlar, şahidlərin ifadələri filmi daha da dəyərli edir. Tarixi Azərbaycan ərazilərində eramızdan əvvəlki dövrdən başlayaraq XX əsrin sonlarınadək olan bir zaman kəsiyindəki tarixi proseslər filmdə xronoloji ardıcıllıqla göstərilir.

Haqqında[redaktə | mənbəni redaktə et]

Filmin baş məsləhətçisi İsrafil Məmmədovdur. Filmin çəkilməsində Mahmud Məmmədov və Yaşar Əliyev dəstək göstərmişlər.

Filmdə Azərbaycan Dövlət Foto-Kino Sənədləri Arxivinin, Rusiya Dövlət Kino və Foto Arxivinin, Ermənistan Kino və Televiziya Arxivlərinin materiallarından, eləcə də, Azərbaycan Milli Dövlət Arxivi və Siyasi Partiyalar və İctimai Hərəkatlar Arxivindəki sənədlərdən, Ermənistan Dövlət Arxivinin və Gürcüstan Dövlət Tarix Arxivinin sənədlərindən istifadə olunmuşdur.

Film tanınmış alimlər tərəfindən tarixi-elmi əsər kimi də qiymətləndirilir.

Seriyaları[redaktə | mənbəni redaktə et]

  • Bizi birləşdirən Ağrı: İki seriyalı bu hissə 13-14 aprel 2015-ci il tarixində yayımlanmışdır.
  • Zəngəzur: Filmin Zəngəzur mahalına aid hissələri 15-16 aprel tarixlərində yayımlanmışdır. Seriyanın məsləhətçiləri Musa UrudƏziz Ələkbərlidir.
  • Dərələyəz: İki seriyalı bu hissə 20-21 aprel 2015-ci il tarixində yayımlanmışdır.
  • Göyçə: İki seriyalı bu hissə 22-23 aprel 2015-ci il tarixində yayımlanmışdır.
  • Şəmşəddil-Qaraqoyunlu: Bir seriyalı bu hissə 27 aprel 2015-ci il tarixində yayımlanmışdır.
  • Loru-Pəmbək: İki seriyalı bu hissə 28-29 aprel 2015-ci il tarixində yayımlanmışdır.
  • Dərəçiçək-Qırxbulaq: Bir seriyalı bu hissə 30 aprel 2015-ci il tarixində yayımlanmışdır.
  • Ağbaba-Şörəyel: İki seriyalı bu hissə 4-5 may 2015-ci il tarixində yayımlanmışdır.
  • Vedibasar-Gərnibasar: İki seriyalı bu hissə 6-7 may 2015-ci il tarixində yayımlanmışdır.
  • Zəngibasar-Sərdarabad: Bir seriyalı bu hissə 11 may 2015-ci il tarixində yayımlanmışdır.
  • İrəvan şəhəri: Üçseriyalı bu hissə 12, 13, 14 may 2015-ci il tarixində yayımlanmışdır.

İstinadlar[redaktə | mənbəni redaktə et]

  1. "Центр истории Кавказа принял участие в ряде фильмов и передач, посвященных 1915 году и армянскому вандализму" (rus). rizvanhuseynov.com. 27 апреля 2015. İstifadə tarixi: 2015-05-04.

Xarici keçid[redaktə | mənbəni redaktə et]