İstifadəçi:Allahverdiyev Vilayət Musa oğlu
Allahverdiyev Vilayət Musa oğlu 1941-ci ildə Azərbaycan Respublikası, Gədəbəy rayonunun Arabaçı kəndində anadan olmuşdur. İkinci Dünya Müharibəsində atası həlak olduqdan sonra anasının himayəsində böyüyür, orta məktəbi bitirdikdən sonra 1958-də Qazax Pedoqoji Texnikumuna daxil olur, bir il orda təhsil aldıqdan sonra texnikum Xanlar rayonuna (indiki Göy-Göl rayonu) köçürülərək, Xanlar Pedoqoji Texnikumuyla birləşdirilir. O, burada təhsilini davam etdirir. 1960-cı ildə texnikumu bitirdikdən sonra doğulduğu Arabaçı kəndinə qayıdır və yeddiillik məktəbdə müəllim kimi fəaliyyətə başlayır. Müəllim işləyə-işləyə sənədlərini o vaxtkı V.İ.Lenin (indi N. Tusi adına Universitet) adına Azərbaycan Pedoqoji İnstitutuna verir və "Azərbaycan dili və Ədəbiyyat Fakültəsi"nə qəbul olunur. İnstitutu uğurla bitirdikdən sonra, artq yeddiillik məktəbdən orta məktəbə çevrilmiş Arabaçı kənd orta məktəbində müəllimlik fəaliyyətini davam etdirir, səkkiz il müddətində təşkilatçı kimi çalışır, nümunəvi müəllim kimi hörmət qazanır. Bu illər ərzində çoxsaylı ziyalıların yetişməsində böyük əməyi olan Vilayət müəllim 1986-cı ildə həmin məktəbin direktoru vəzifəsinə təyin edilir. 1978-də o vatkı Azərbaycan SSR -in Respublika səviyyəsində keçirilən Müəllimlər Yarışında qabaqcıl müəllim kimi döş nişanına layiq görülür. 2009-cu idə Azərbaycan Respublikası Təhsil Nazirliyi tərəfindən "Qabaqcıl Təhsil İşçisi" döş nişanıyla təltif edilir. Daim nümunəvi müəllim və məktəb direktoru kimi Gədəbəy Rayon İcra Hakimiyyəti və Təhsil Şöbəsi rəhbərliyinin diqqət mərkəzində olan Vilayət müəllimin Respublikamızda tanınan bir çox ziyalı, istedadlı yetirmələri var. 52 il müəllim və 27 il məktəb direktoru vəzifəsində ləyaqətlə çalışmış Vilayət müəllim, həm də nümunəvi, gözəl ailə başçısı, beş övlad atasıdır. Övladlarından, oğlanları Ayaz Arabaçı (şair, Azərbaycan Yazıçılar Birliyinin üzvü, Prezident təqaüdçüsü), Zəka Vilayətoğlu (müğənni-yazıçı, Azərbaycan Yazıçılar Birliyinin üzvü, rəsmi "Persona.az" ədəbi - ictimai saytının rəhbəri), Allahverdiyev Musa (rabitəçi-texnoloq) Əlövsət Allahverdiyev (Beynəlxalq Hüquqşünas, hüquq eksperti) bu gün Respublikamızda və Respublikamızın hüdudlarından kənarda tanınmaqda, uğurlu fəaliyyət göstərməkdədirlər.