İstifadəçi:Aqilramin

Mən Hüseynov Ramin Məhəmmədəli oğlu 1995-ci il avqustun 7-də Bakı şəhərində doğulmuşam. 01.09.2002-ci ildə 196 saylı məktəbə getmişəm. 15.09.2007-ci ildən etibarənsə 281 saylı məktəbdə təhsilimi davam etdirmişəm. 31.05.2013-cü ildə həmin məktəbdən məzun olmuşam. Həmin il universitetə qəbul olmuşam. Hal-hazırda Azərbaycan Dövlət Pedoqoji Universitetinin Tarix müəllimliyi fakültəsinin 1-ci kursunda təhsil alıram.

Əslən Qərbi Azərbaycanın Qafan rayonundanam. Yaradıcılığa şeirlə başlamışam. İlk şeirlərimi 2004-cü ildən-3-cü sinifdən yazmağa başladım. Ancaq onlar ibtidai olduğu üçün yaxşı olmamışdır. İlk şeirimin adı "Yay" olmuşdur. Ancaq itdiyi üçün sizlərə təqdim edə bilmirəm. Mətbuatda ilk çap olunan şeirim isə Heydər Əliyevə həsr olunmuş "Bu dünyadan köçənlərin xatirinə" şeiridir. Bu şeir 2008-ci ildə "İcmal" qəzetində çap olunmuşdur.

Mən daha çox vətənpərvər və turançı şeirlər yazıram. Çünki, biz Türklərin zəngin və möhtəşəm tarixi var. Bununla öyünmək mənə qürur verir .Mən şeirlərimi xalq dilində və şeiri üslubunda yazıram. Milli vəznimiz olan hecada yazıram. Qoşma, gəraylı, varsağı mənim ən çox istifadə etdiyim janr formalarıdır. Azərbaycan ədəbiyyatında nadir rast gəlinən gəraylı təcnisdən də istifadə etmişəm.

Bu eşqə düşəndən bəri,
Durmaz sızıldar yaralar.
Mən ölsəm də qürbət eldə,
Mütləq xəbərim yar alar.

Başqa aşıq şeirinin forması olan qıfılbənddən də istifadə etmişəm. Orta məktəb müəllimim, həm də şair olan Sultan Orucoğlu ilə deyişməklə yazılı ədəbiyyata gətirmişik. Mən həm də unudulmuş əsl Azərbaycan-Türk sözlərinin yenidən ədəbiyyatımıza qaytarmaq üçün çalışıram. Şeirlərimdə bu sözlərdən istifadə edirəm.

Qələmimi nəsr və dramaturgiya sahəsində də sınamışam. İlk nəsr əsərim bir neçə hekayə olmuşdur. İri həcimli nəsr əsərlərim "Marko və Antonino" və "Mariya"-dır. Bundan başqa bir neçə hekayəm də var. Dram əsərlərim isə 3 ədəddir. Hamısı faciə janrında yazılmışdır. Əsərlərim bunlardır: "Osman Çavuşoğlu", "Qanlı gəlinlik", "Cümhuriyyət".