İstifadəçi:Gunaynovruz

Tanışlığımızın on yaşı var. Möhkəm dostluq, səmimi münasibət üçün əslində on il elə də böyük vaxt deyil. Əgər mənim ömrününün on ili Günayla tanışlığa ayrılıbsa deməli bizim tanışlığımızda səmimiyyət və qırılmaz bağlar hələ də var. Günayı ilk tanıdığım vaxtlarda o tələbə idi, elə vaxtdan mətbuatda çap olunur, yazıları ilə ilk oxucularını heyran edirdi. Daha sonra Günay radioda fəaliyyətə başladı. Onun ən çox yadımda “Addım atdım”-ı qalıb. Bu verilişi ilə o ədəbiyyat, incəsənət aləminə yeni addım atanlara bir dəstək olurdu. Radioda işlədiyi vaxtda da Günay ölkə mətbuatında mütamadi dərc olunurdu. Bu da onun yaradıcılığa olan münasibətindən irəli gəlirdi.. Günay “Addım atdım”-da bir çox gənclərə trubuna verdi. Onları mikrafon vasitəsiylə dinləyicilərlə görüşə gətirdi. Istedadlı gənclərin tanınmasında Günayın kifayət qədər xidməti var desəm təbii ki, yanılmaram. “Kimsiz siz” Bu sualı Günaya ünvanlamağa ehtiyac yoxdur. Bayaq qeyd etdim axı Günay qısa vaxt ərzində imzasını oxuculara, səsini isə dinləyicilərə çatdırmağı bacardı. Onun çox sevilən verilişlərindən biri də “Kimsiz siz” idi. Radioda on iki verilişin müəllif və aparıcısı olmasına baxmayaraq özünün də ən çox bəyəndiyi elə “Kimsiz siz” –i idi. “Kimsiz siz” bir söz oyunu idi. Əslində Günay söz oyununu sevən biridi. Onun istər radio istər tv istərsə də şəxsi yaradıcılığında biz bunun şahidi oluruq. Indi Günay Novruz Azad Azərbaycan telekanalında özünün təbirincə desək “tədqiqatı işlərini aparmaqdadı”. Azad Azərbaycan kanalının nəznində fəaliyyət göstərən “Vətənim” Yaradıcılıq Birliyinin əməkdaşı kimi Günay yenə də demək olar ki, öz ənənəsini qoruyub saxlamaqdadır. Davamlı şəkildə ədəbiyyat və ədəbiyyatçılar haqqında filmlər üzərində işləyir. “Ayrıldıq ki,qovuşaq” Günayın ssenari müəllifi olduğu filmlərdən biridir. Sözün düzünü deyim ki, bu filmi çox bəyənmişdim. Və bu qəbildən Günayın filmlərinin bir neçəsinin də adını çəkə bilərəm. Amma vaxtınızı almadan keçirəm Günayın “Xoxan”-ına. Təəccüblənməyin onun ilk kitabının adı “Xoxan”-dı. Xoxan bizim mifologiyamızda, nağıllarımızda mənfi obraz kimi göstərilir. Demək olar ki, uşaqlıqda bizim hamımızı xoxanla qorxudublar. Ancaq Günay isə ədəbiyyata “Xoxan kitabı”-yla gəldi. Günay bu gəlişi ilə əcabə kimi qorxutmaq istəyirdi? Ədəbiyyatı yoxsa ədəbiyyatçıları? Bu suala isə kim cavab almaq istəsə birbaşa Günayın özünə müraciət eləsin. Bu arada sizin nəzərlərinizə daha bir faktdı da çatdırmaq istəyirəm ki, oxucu olaraq çaşqın vəziyyətdə qalmayasız. Yaradıcılığında ilk addımlarını Günay Dağlı kimi atan 10 illik dostum bir neçə il bundan öncə imzasında dəyişiklik edib, bədii fəaliyyətini Günay Novruz kimi davam etdirmək qərarına gəldi. “Novruz” imzası Günayın çox sevdiyi, yaradıcılığından bəhrələndiyi şair Cabir Novruzun adı ilə bağlıdır. Cabir Novruzla Günayı həm də qohumluq əlaqələri birləşdirir. Yaradıcı mühitdə yetişən Günay təbii olaraq söz aləminə meyl etməli idi Beləcə o ədəbiyyata böyük sevgiylə bağlanıb. Ədəbiyyata olan sevgi və bu sevginin nəticəsi isə Günay Novruzun gənc yazar kimi bu il prezident təqaüdünə layiq görülməsidir. Mən köhnə dostuma yeni yaradıcılıq ugurları arzulayıb, onu daha da yüksək zirvələrdə görmək ümidiylə Günaya ən xoş arzularımı ünvanlayıram…