İstifadəçi:Khancamal

Orucov Fikrət Məmməd oğlu 1957-ci ildə Qazax şəhərində anadan olmuşdur. 1965-ci ildə Qazax şəhər 1 saylı orta məktəbin birinci sinfinə daxil olub, 1975-ci ildə həmin məktəbi bitirmişdir. Elə həmin il sovet ordusu sıralarına xidmətə çağrılmış, 1977-ci ildə hərbi xidməti başa vurmuşdur. 1977-ci ildən 1979-cu ilə qədər Qazax təmir-tikinti idarəsində fəhlə işləməyə başlamış, işində fərqləndiyinə görə partiya sıralarına qəbul olunmuşdur. 1979-cu ildə D.Bünyadzadə adına Azərbaycan Xalq Təsərrüfatı İnstitutunun Maliyyə və kredit fakültəsinin axşam şöbəsinə daxil olmuşdur. Təhsilini davam etdirməklə bərabər, Bakı şəhəri 79 saylı Mənzil istismar idarəsində işləməyə başlamışdır. 1979–1981-ci illərdə Bakı şəhər Baş tikinti idarəsində işləmiş, 1981-1982-ci illərdə Yaşıllaşdırma idarəsinin 1 saylı tikinti idarəsində çalışmışdır. 1982-1983-cü illərdə ixtisası ilə əlaqədar olaraq Dövlət kənd tikinti idarəsinin 7 saylı təmir-tikinti kontorunda mühasib vəzifəsində işləməyə başlamışdır. 1983-cü ildən Azərbaycan Dövlət Aqrar Sənaye Birliyinin 1 saylı Mərkəzi Respublika bazasında iqtisadçı, baş iqtisadçı, əmtəəşünas, baş əmtəəşünas vəzifələrində çalışmışdır. 1997-ci ildə artıq keçmiş sovet məkanında əlaqələr zəiflədikdən sonra öz xahişi ilə işdən ayrılaraq tikinti-inşaat işləri ilə məşğul olmağa başlamışdır. 2006-cı ildən hal-hazıra qədər Abşeron rayon İcra Hakimiyyəti başçısının Xırdalan şəhəri üzrə İcra Nümayəndəsi işləyir.

Ailəsi – anası, üç bacısı, bir qardaşı, həyat yoldaşı və üç - iki oğlan, bir qız övladından ibarətdir.