İstifadəçi:Mahirayaqubova

Aktyorluq fakültəsini fərqlənmə diplomu ilə bitirdim. 1979-cu ildən bu günə kimi həmin universitetdə müəllim, baş müəllim, son illər isə dosent vəzifəsində çalışıram. Bir çox elmi məqalələrin, metodik göstərişlərin, dərsliklərlə bağlı proqramların müəllifiyəm. Pedaqoji fəaliyyətimlə, elmi yazılarımla yanaşı Bakı Bələdiyyə teatrında 13-ildən çoxdur ki, həm də aktrisa kimi fəaliyyət göstərirəm. Teatrın repertuarında çox dəyərli tamaşalarında baş rollarda çıxış edirəm. Ölməz C. Məmmədquluzadənin "Ölülər" tamaşasında Kərbəlayi Fatma, A. Məmmədovun "Dəli Domrul" pyesində Domrulun anası, Sofoklun "Elektra" faciəsində Korifey, N. Hikmətin "Demokl qılıncı" pyesində Karın arvadı, "Unutqanlıq qorxunc bəladır" kompozisiyasında şəhid anası, A.Babayevin "Oğul" tamaşasında Səriyyə, Ə. Nesinin "Tənha qadınlar" pyesində Diha bəyim və s. obrazları sevə-sevə oynamışam. Anarın "Ötən ilin son gecəsi" televiziya tamaşasında Leyla, S. Dağlının iki hissəli "Sabiqlər" tamaşasında Xanım rollarının ifaçısıyam. Son illər çəkilən bir neçə bədii filmlərdə çəkilmişəm. "Ünvansız qız" filmində qaçqın qadın, "Əlvida" filmində Solmaz, "Yalan" filmində kassir qadın.