İstifadəçi:Saazik

Azər Zirəddin oğlu Sadıqov

Azər Zirəddin oğlu Sadıqov 25 sentyabr 1987-cı ildə Moskva şəhərində anadan olmuşdur. 2005 ci ildə o, Bakı şəhərində yerləşən Texnika-Humanitar Liseyini bitirib və həhim ildə Azərbaycan Dövlət Neft Akademiyasının İnformatika və Hesablama Texnikası ixtisası üzrə bakalavr pilləsinə qəbul olmuşdur. 2009 cu ildə Azərbaycan Dövlət İqtisadiyyat Universitetinin İdarəetmə ixtisasına magistratura pilləsinə qəbul olunmuşdur. 2009-2010 cu illərdə hərbi xidmətdə olmuşdur. 2012 ci ildə Azərbaycan Milli Elmlər Akademiyasının Radiasiya Problemləri İnstituna mühəndis vəzifəsində işə başlamışdır. Həmin ildə Azər, Rusiyanın Dubna şəhərində yerləşən Birləşmiş Nüvə Tədqiqatları İnstituna 1 il müddətinə elmi tədqiqat məqsədi ilə ezam olunmuşdur. Bu müddət ərzində o; Kanada, Sinqapur, Malayziya, Azərbaycan və Rusiya müəssisələri tərəfindən yaradılmış beynəlxalq kollaborasiyasının tədqiqat qrupunda, yeni tip fotodetektorların işlənilməsini və tədqiqini aparmışdır. 2016 cı ildə Azər Zirəddin oğlu Sadıqovun “Silisium  əsaslı yeni cəld  fotoqeydedicilərin işlənməsi və onların  radiasiya davamlılıği” mövzusunda “Radiasiya materialşünaslığı” ixtisasında fizika üzrə fəlsəfə doktoru elmi dərəcəsini almışdır. Dissertasiya işinin əsas nəticələri 6 Beynəlxalq və 2 yerli konfranslarda məruzə olunmuş və müzakirə edilmişdir. Disertasiyanın əsas məzmunu 7-si xarici, 2-si isə yerli jurnallarda olmaqla 9 elmi məqalədə çap olunmuşdur. Həmçinin dissertasiya işi dövründə Azər 1 beynəlxalq patent almışdır. Ümumilikdə 2013-2019 illər ərzində Azərin elmi tədqiqat işlərinin nəticələri 20 elmi məqalədə, 12 tezisdə və 2 beynəlxalq patendə öz əksini tapmışdır.

Elmi araşdırma və texnologiyaların tətbiqi məqsədi ilə Azər Sadıqov “SOCAR” və “Azərbaycan Prezidentinin yanında Elmin İnkişafı Fondu (EİF)” tərəfindən aşağıda sadalanan yerli qrant layihələrin icraçısı olmuşdur. • EİF “Yarımkeçirici materialların radiasiyaya davamlılığının tədqiqi və yeni tipli mikropikselli selvari fotodiodlar əsasında detektorların hazırlanması” 2014-2017-ci illər • SOCAR “Qamma-karotaj qurğusunun yeni laboratoriya prototipinin işlənməsi” 2014-2015-ci illər • EİF “Xüsusi əhəmiyyətli obyektlərin radioaktiv maddələrlə çirklənməsindən mühafizə üçün portal radiasiya monitorunun hazırlanması və təhlükəsizlik məsələlərində tətbiqi” 2015-2018 ci illər • SOCAR “Pilotsuz sualtı aparatının prototipinin işlənməsi.” 2017-2018 ci illər.

2014- cü ildən Azər Sadıqov Nəqliyyat, Rabitə və Yüksək Texnologiyalar Nazirliyi nəzdində Milli Nüvə Tədqiqatları Mərkəzində (MNTM) işləyir və hazırda “İnnovasiya və Cihazqayırma” şöbəsinin müdürüdür və Nüvə Tədqiqat Reaktoru qrupunun üzvüdür. MNTM-də işə başladığı vaxtdan nüvə spektroskopiya, nüvə təhlükəsizliyi və nüvə tədqiqat reaktoru sahələrində 15 dən çox Atom Enerjisi üzrə Beynəlxalq Agentliyi (AEBA) və Avropa Birliyi (AB) tərəfindən təşkil edilən beynəlxalq təlim kurslarında və seminarlarda iştirak edib. Həmçinin nüvə sahəsində aşağıda sadalanan beynəlxalq layihələrin icraçısıdır: • AEBA “Yeni təcrübə nüvə reaktorunun yaradılması üçün hazırlıq işlərinin həyata keçirilməsi” 2016-2018 ci illər. • AB “Nüvə materiallarının hərtərəfli ekspertizası üçün regional şəbəkənin yaradılması” 2016-2018 ci illər. • AB “Milli nüvə kitabxanasının yaradılması” 2018-2020 ci illər. • AB “Yeni nəsil nüvə kriminalistikası ekspertlərinin hazırlanması” 2018-2020 ci illər. • AB “GUAM ölkələrində nüvə ekspertiza laboratoriyaların potensialının yaxşılaşdırılması” 2018-2020 ci illər.

2018-ci ildə Azər Sadıqov AMEA Radiasiya Problemləri İnstituna “Radiasiya materialşünaslığı” ixtisası üzrə elmlər doktorluğu hazırlığı üçün müraciət etmişdir. 2019 cu ildə onun “Selvari fototranzistor matrisi əsaslı radiyasiya detektorları” adlı dissertasiya işi elmi şüra tərəfindən dəstəklənmişdir və hazırda elmi araşdırma məqsədi ilə Azər, Birləşmiş Nüvə Tədqiqatları İnstituna 1 illik elmi ezamiyyə olmuşdur.