İstifadəçi:Zakir Məmməd

Zakir Məmməd (Zakir Müsənnif oğlu Məmmədov) 1956-cı il yanvarın 29-da Quba rayonunun Əlik kəndində anadan olmuşdur. 1972-ci ildə Qonaqkənd qəsəbə tam orta məktəbini, 1977-ci ildə ADPU-nun (keçmiş V.İ.Lenin adına APİ-nin) filologiya fakültəsini bitirmiş, əmək fəaliyyətinə həmin ilin sentyabrında Quba rayonunun Zeyid kənd ümumi orta məktəbində başlamışdır. Daha sonra rayonun Dağüstü, Hacıhüseynli məktəblərində müəllimlik fəaliyyətini davam etdirmişdir.

1998 - 1999-cu illərdə Quba Özəl Türk Litseyində, Azərbaycan Dövlət Mədəniyyət və incəsənət Universitetinin Quba filialında müəllim işləmişdir. 2021-ci ilin 29 yanvarından 65 yaşı tamam olduğuna görə əməklidir.

1998-ci ildən AYB-nin üzvü, beş kitab müəllifidir. "Azərbaycan", "Ulduz", "Qobustan" jurnallarında, "Ədəbiyyat qəzeti"ndə, digər ənənəvi mediada və internet mediasında onlarca məqaləsi, şeirləri nəşr olunmuşdur. R.Rza adına beynəlxalq ədəbiyyat mükafatına(2014) və Ə. Salahzadə adına "Avanqard" poeziya mükafatına(2015) layiq görülmüşdür. İlk şeirləri xalq şairi Hüseyn Arifin "uğurlu yolu" ilə 1983-cü ildə "Azərbaycan gəncləri" qəzetində dərc edilmişdir.