Aşağı boş vena

Aşağı boş vena ABV (lat. Vena cava inferior) — dördüncü bel fəqərəsinin aşağı kənarı bərabərliyində sağ və sol ümumi qalça venalarının (lat. vv. iliacae communes dextra et sinistra) birləşməsindən əmələ gəlir; onurğanın ön səthi ilə qarın aortasının saö tərəfilə yuxarı və bir az sağa doğru gedərək, qaraciyərin arxa səthinə çatarkən aortadan uzaqlaşır və diafraqmanın vətər mərkəzində olan aşağı boş vena dəliyindən döş boşluğuna daxil olan kimi ürək kisəsini dəlib, sağ qulaqcığaaçılır. Aşağıda bel əzələsinin içəri kənarında, bir az yuxarıda ön səthində və diafraqmaya çatarkən onun bel hissəsinin ön səthində yerləşir. ABV ekstraperitoneal (peritondan xaric) üzvlərdən olub, ön tərəfdə yuxarıdan aşağıya doğru növbə ilə, qaraciyər ilə, onikibarmaq bağırsağın enən hissəsilə, pankreas başı ilə, nazik bağırsaq müsariqəsilə əhatə olunmuşdur. Bunlardan başqa ABV öndə çəp istiqamətdə sağ xaya arteriyası ilə və arxada üfüqi istiqamətdə sağ böyrək arteriyası ilə çarpazlaşır.

Qəbul etdiyi venalar

ABV qarın aortasının cüt şaxələrinə uyğun venaları və qaraciyər venalarını qəbul edir.

ABV-nin qəbul etdiyi venalar
Vena Latın Səviyyəsi Diafraqma venaları v v. phrenicae inferiores T8 Qaraciyər venaları V v. hepaticae T8 Böyrəküstü venalar V v. suprarenalis L1 Böyrək venaları V. renales L1 Cinsiyyət venaları V v. ovarica dextra et sinistra, v. testicularis dextra, v v. testicularis dextra et sinistra, v. spermaticae L2 Bel venaları V v. lumbales L1-L5 Ümumi qalça venası V. iliaca communis L5

Təsvirlər

• 
  Ürəyin əsası və diafraqma səthi
• 
  Ürək və magistral damarlar

• 
  Qarın aortasını müşayət edən aşağı boş vena
• 
  İnsan embrionunun üfüqi kəsiyində damarların proyeksiyası
• 
  Aşağı boş vena

Mənbələr

• Prof. Kamil Əbdülsalam oğlu Balakişiyevin, İnsanın Normal Anatomiyası, II cild, "MAARİF" Nəşriyyatı, Bakı - 1979
• Р. Д. Синельников. Атлас анатомии человека (4 тома)

Xarici keçidlər

• "Posterior Abdominal Wall: Tributaries to the Inferior Vena Cava"
• SUNY Anatomy Image

Həmçinin bax

• Yuxarı boş vena
• Ağciyər venaları
• Göbək venası
• Qapı venası
• Ümumi qalça venası