Beko

BEKO – bütün dünyada tanınmış əmtəə nişanıdır. Türkiyənin Arcelic şirkəti öz məişət texnikasını bu əmtəə nişanı altında buraxır. Arcelic 1955-ci ildə yaradılmış və bu gün Koc Holding qrupunun tərkibinə daxildir. Kompaniya türkiyəli mühəndis Vehbi Koç tərərfindən yaradılmışdır. Koç öz biznesinə tikinti materiallarının satışı ilə başlamışdır. O, 20 il Koczade Ahmet Vehbi Trading Company adlanan ailə şirkətində işlədikdən sonra fəaliyyət çevrəsini genişləndirmək qərarına gəlir. 1944-cü ildə Koç Türkiyədə ilk olaraq avtomobillərin satışı üzrə şirkət açır. On ildən sonra isə Koç Bejerano şirkəti ilə birgə BEKO markasını qeydiyyatdan keçirir. Bu brend altında iki şirkət konservlər və tomat şirəsi istehsalını təşkil etmək istəyirdilər. Əmtəə nişanının adı Bejerano və Koç adlanan şirkətlərin birinci hərflərini özündə birləşdirirdi. Lakin yeni biznesin açılması zamanı ortaya problemlər çıxdı. Konservlərin istehsalını başlamaq mümkün olmadı. BEKO zavodu yeni - Beko Ticaret A.S adı altında fəaliyyət göstərməyə başladı. Arcelik şirkəti General Elektrik ilə müqavilə bağlayır və fabrik elektrik lampaları istehsal etməyə başlayır. Türkiyədə lampa istehsalı ilə məşğul olan ilk zavod Beko Ticaret A.S. oldu.

Vehbi Koç nailiyyətlərlə kifayətlənmədi və şirkətin istehsalını yeni məcraya istiqamətləndirdi. 1959-cu ildə Arcelik şirkəti özünün ilk paltaryuyan maşınını buraxır. Şirkətin ilk soyuducusu 1960-cı ildə Arcelik zavodunun konveyerindən çıxdı. Zaman keçdikcə Koç məişət texnikasının digər növlərinin də buraxılmasını təşkil etməyə başladı. Artıq 1977-ci ildə bu istehsal növü kütləvi xarakter daşıyırdı. Texnika BEKO brendi altında buraxılırdı və 1983-cü ildə alıcılar arasında geniş yayılmışdır. Arcelik şirkətinin rəhbərləri hesab edirdilər ki, hər zavod müəyyən bir məhsul növündə ixtisaslaşmalıdır. Bununla əlaqədar olaraq 1977-ci ildən etibarən bir sıra fabriklərin tikintisinə başlanıldı. Bir qədər sonra Arcelik şirkəti Türk Demir Döküm şirkəti ilə birgə qızdırıcılar və mətbəx pilətələrinin istehsalı ilə məşğul olan Ardem şirkətini yaratdı. 1979-cu ildə İzmirdə tozsoran buraxan zavod fəaliyyətə başladı. Arcelik şirkətinin məhsul növlərinin genişlənməsi 1996-cı ilə qədər davam edirdi. Bu müddət ərzində daha iki – paltaryuyan maşın və kondisioner istehsal edən zavod tikilmişdir. Öz şirkətini daim təkmilləşdirən, buraxdığı məhsulların çeşidlərini artıran və keyfiyyətini yüksəldən Vehbi Koç alıcıların tələbatını da diqqətdən kənarda qoymurdu. Alıcılara maksimum rahatlıq bəxş etməyə can atan Koç məhsulların alıcıların evinə ünvanlı çatdırılması sistemini təşkil edir. 1990-cı ildə Arcelik öz məhsullarını avropa ölkələrinə ixrac etməyə başladı. Texnikanın dünya bazarında satışı üçün BEKO brendi seçilmişdir. BEKO əmtəə nişanı əvvəlcədən dünya bazarına çıxış (для всемирной известности) üçün yaradılmışdır. 1999 və 2000-ci illərdə Arcelik şirkətinin tərkibində əsaslı dəyişikliklər baş verdi. Ardem və Arcelik şirkətləri birləşir. Koc Holding Durable Consumer Goods konsernində islahatlar aparılır, nəticədə BEKO Beko Ticaret A.S. şirkətindən ayrılaraq Arcelik A.S. firmasına birləşir. 2006-cı ilin yanvar ayında Belorusiyada “2005-ci ilin brendi” adlı beynəlxalq müsabiqə keçirilir. Müsabiqədə 33 kateqoriya üzrə qiymətləndirilən 59 əmtəə nişanı iştirak edirdi. Müsabiqənin nəticələrinə görə BEKO markası qızıl medala layiq görülmüş və paltaryuyan maşın istehsalı sahəsində “ilin brendi” seçilmişdir.

Arcelik şirkətindən başqa Koc Group korporasiyasına 62 minə yaxın işçisi olan 157 şirkət daxildir. Korporasiya maliyyə, turizm, tikinti və energetika ilə məşğul olur. Bu gün BEKO dünya bazarında aparıcı markalardan biridir. Arcelik şirkəti öz alıcılarına müxtəlif məişət texnikasının genış çeşidini təklif edir. Arcelik korporasiyasının ixrac etdiyi bütün malların 80% BEKO markasının payına düşür. Şirkətin sərəncamında ildə 6 milyon elektrocihaz buraxan doqquz zavod var. Şirkətin malları daim təkmilləşir və mütləq yoxlamalardan keçir. BEKO texnikası üstün keyfiyyəti ilə seçilir, müasir funksiyalarla təchiz edilmiş və gündəlik həyatı xeyli asanlaşdırır.