Horun gözü

Misir heroqliflərində Horun gözü
Heroqlif	Horusun gözü Udjat düzgün, tam şəkilli, sağlam
1	Gözün ağı (sol) = 1/2 Heqat*
2	Bəbək = 1/4 Heqat
3	Qaş = 1/8 Heqat
4	Gözün ağı (sağ) = 1/16 Heqat
5	1.Gözaltı xət (qırış) = 1/32 Heqat
6	2.Gözaltı xət (qırış) = 1/64 Heqat
7	müqəddəs Horusun gözü = 63/64 Heqat
8	*Tutum vahidi (1 Heqat = 4,8 Litr)

Horusun gözü qədim Misirin rəmzi sayılan Horusun döyüş zamanı Set tərəfindən çıxardılmış olan Ayı tərənnüm edən sol gözüdür. Mifalogiyaya görə Horusun sağ gözü günəşi sol gözü isə ayı tərənnüm edir. Onun zədəli sol gözü Ayın fazalarını əks etdirir. Rəmzi olaraq onu qədim Misirdə bir çox misirlilər boyunlarında gəzdirirdilər.

Horusun gözü

Əfsanələrdə

Qədim Misirin bu günümüzə gəlib çıxmış yazılarda bu göz haqqında bir çox əfsanələr mövcuddur. Bir əfsanəyə görə Set öz barmağını Horusun sol gözünə soxaraq çıxartmış olur. İkinci bir əfsanədə onu tapdalamış, üçüncü bir əfsanəyə görə isə onu udmuş olur. Bir yazıda Hathor tərəfindən ona ceyran südü içirdərək bərpa və ya sağaldılmışdır. Başqa bir yazıda gözün Anubis tərəfindən dağ yamacında basdırıldığı qeyd edilir. Digər bir əfsanəyə görə isə Horus öz gözünü atası Osirisə uddurdaraq onu diriltmiş olur.

Heroqlif

Misir yazılarında irt "göz" deməkdir, onun fel forması isə "wḏȝ" - "qorumaq" belə ki "qoruyan göz" mənasını verir.

Magik qüvvə kimi

Rəvayətə əsasən Horusun gözünün olünü diriltməsi, onun yenidən bərpa olunması onun magik qüvvəyə malik olmasını göstərir. Buna görə də qədim Misirdə insanlar onu yaman gözdən və qəzadan qorunmaq, xəstəliklərdən sağalmaq məqsədilə öz boyunlarından asarmışlar.