Yuventus FK

Yuventus FK
Juventus Football Club
Loqonun şəkli
Klubun tam adı	Juventus Football Club
Ölkə	İtaliya
Ləqəb(lər)	Qoca Sinyora (Vecchia Signora), Ağ-Qaralar (Bianconeri)
Rəng(lər)	ağ-qara
Yaranma tarixi	1 noyabr 1897
Stadionu	Juventus Stadium
Tutumu	40000
Prezidenti	Andrea Anyelli
Baş məşqçisi	Antonio Konte
Liqa	A Seriya
2010/2011	7-ci
Ev forması Səfər forması
Rəsmi saytı
Vikianbarda əlaqəli mediafayllar

Yuventus (Turin) — İtaliyanın futbol klubu

Tarixi

1897-ci ildə litsey tələbələri tərəfindən qurulan klub, 1926-ci ildə, "FIAT"-ın da sahibi olan Agnelli ailəsinin nəzarətinə keçmişdir. 1931-ci ildən başlayaraq 5 il üst-üstə çempionluq əldə etmişdir. Əfsanəvi Şirea Qaetano, Dino Zoff, Mişel Platini, Antonio Kabrini, Marko Tardelli, Paolo Rossi, Boniek ve Covanni Trapattoni öndərliyində dünyanın görmüş olduğu ən müdhiş heyət quraraq Avropanın 3 böyük kubokunu qazanan ilk komanda oldu. 1935-ci il "Yuventus"un tarixinə qara hərflərlə düşdü. Həmin il İyulun 14-də klub prezidenti Eduardo Anyelli Genuyada təyyarə qəzasında həlak oldu. Bu hadisə və Çezarini və Ferrarinin komandanı tərk etməsi kluba güclü təsir etdi. Həmin 1935-1936-ci il mövsümündə klub yalnız 5-ci yeri tutdu. Müharibə illərində "Yuventus" klub prezidenti Petro Duzio sayəsində məcbur olaraq adını "Yuve-Çizitaliya" qoydu. Ancaq 1946-cı ildə sülh bərqərar olanda klub öz tarixi adını geri qaytardı. "Yuventus"un müharibədən sonrakı ilk uğuru 1950-ci ilə təsadüf etdi. Belə ki, "Yuve" çempionatda vurduğu yüz qolla nəticə etibarilə böyük uğura imza atdı. Həmin il klubda danimarkalılar Con Hansen və Karl Aaqe, həmçinin "Yuventus"un bütün dövrlər üçün 2-ci bombardiri Campyero Boniperti parlayırdı. 1954-1955-ci il mövsümündə komanda 7-ci yeri tutmaqla iflasa uğradı ki, bundan sonra Canni Anyelli istefa verdi. Onun yerini 22 yaşında klubun tarixinə ən cavan prezident kimi düşən qardaşı Umberto tutdu. Onunla komandanın yeni qələbə dövrü başladı. 1966-1967-ci il mövsümöncəsi "Yuventus" səhmdar cəmiyyəti oldu, amma mövsümün sonucu "Yuventus üçün möhtəşəm alındı. Klub sonuncu turda növbəti "skudetto"nu qazandı. 13 İyul 1973-cü ildə "Yuventus"da yeni prezident - Canpyero Boniperti peyda oldu. Onun gəlişi ilə "Qoca sinyora" çiçəklənməyə başladı. İlk idarəçilik qərarı məşqçilik postuna vəfat etmiş Armando Pikkinin yerinə klubun keçmiş oyunçusu, hazırda isə gənclərdən ibarət komandanın məşqçisi Çestmira Vıçpalekanın gətirilməsi oldu. Bu qərar özünü doğrultdu, klub Vıçpaleka, Şirea Qaetano, Roberto Betteqa və Fabio Kapello ilə birlikdə çempion oldu.

Hazırki heyət

1. Canluici Buffon
2. Marko Motta
3. Corcio Kyellini
6. Fabio Qrosso
21. Andrea Pirlo
8. Klaudio Markizio
9. Vinçenso Yakvinta
10. Alessandro Del Pyero (k)
13. Aleks Manninger
15. Andrea Bartsali
18. Fabio Kvalyarella
19. Leonardo Bonuççi
20. Luka Toni
23. Simone Pepe
27. Miloş Krasiç
29. Paolo de Çelye
30. Marko Storari
31. Marko Kostantino
32. Alessandro Matri
41. Nikkolo Cannetti
43. Frederik Sörensen

Nailiyyətləri

Milli titullar:

• 27 dəfə İtaliya çempionu - 1905, 1925-26, 1930-31, 1931-32, 1932-33, 1933-34, 1934-35, 1949-50, 1951-52, 1957-58, 1959-60, 1960-61, 1966-67, 1971-72, 1972-73, 1974-75, 1976-77, 1977-78, 1980-81, 1981-82, 1983-84, 1985-86, 1994-95, 1996-97, 1997-98, 2001-02, 2002-03, 2004-05 (İtaliya futbol qalmaqalı nəticəsində əlindən alınmış və heç kimə verilməmişdir), 2005-06 (İtaliya futbol qalmaqalı nəticəsində əlindən alınmış və "İnter"ə verilmişdir)
• 19 dəfə İtaliya çempionatının gümüş mülafatçısı - 1903, 1904, 1906, 1937-38, 1945-46, 1946-47, 1952-53, 1953-54, 1962-63, 1973-74, 1975-76, 1979-80, 1982-83, 1986-87, 1991-92, 1993-94, 1995-96, 1999-00, 2000-01, 2008-09
• 9 dəfə İtaliya kubokunun qalibi - 1937-38, 1941-42, 1958-59, 1959-60, 1964-65, 1978-79, 1982-83, 1989-90, 1994-95
• 4 dəfə İtaliya kubokunun finalçısı - 1972-73, 1991-92, 2001-02, 2003-04
• 4 dəfə İtaliya superkubokunun qalibi - 1995, 1997, 2002, 2003
• 1 dəfə İtaliya B seriyasının qalibi - 2006-07
• 9 dəfə Berluskoni Kubokunun qalibi - 1991, 1995, 1998, 1999, 2000, 2001, 2003, 2004, 2010

Avropa titulları:

• 2 dəfə UEFA Çempionlar Liqasının qalibi - 1984/85, 1995/96
• 5 dəfə UEFA Çempionlar Liqasının finalçısı - 1972/73, 1982/83, 1996/97, 1997/98, 2002/03
• 1dəfə UEFA Kuboklar kubokunun qalibi - 1983/84
• 3 dəfə UEFA kubokunun qalibi - 1976/77, 1989/90, 1992/93
• 1 dəfə UEFA kubokunun finalçısı - 1994/95
• 2 dəfə Avropa superkubokunun qalibi - 1984, 1996
• 1 dəfə UEFA İntertoto kubokunun qalibi - 1999

Qitələrarası titullar:

• 2 dəfə Qitələrarası kubokun qalibi - 1985, 1996
• 1 dəfə Qitələrarası kubokun finalçısı - 1973