Professor

Professor (latınca profiteri, yəni özünü ictimayyətə müəllim kimi təqdimetmə deməkdir) - ali məktəblərin müəllimləri və elmi tədqiqat institutlarının elmi əməkdaşlarına verilən elmi dərcə və ya vəzifədir. Onların əsas vəzifəsi sərbəst şəkildə elmi tədqiqat və tədris işlərinin aparılmasından ibarətdir. Professor vəzifəsinə yiyələnməyin əsas şərtlərdən biri elmi dərəcəyə sahib olmaqdır.

Professor anlayışı ölkədən ölkəyə fərqlənir. Məsələn, Amerikada onlarca professor dərcələri vardır. Azərbaycanda verilmiş şərtləri ödəyən hər bir ali məktəb müəllimi professor olmaq imkanı qazandığı halda, Almaniyada bu şərtlərə mütləq kafedra sahibi olmağı da əlavə edilir. Yəni Almaniyada professor vəzifəsinin verilməsi kafedra sahibi təyin olunmaq ilə əlaqələndirilir.