Bir addım (film, 2009)

Bir addım
Rejissor	Fariz Əhmədov
İlk baxış tarixi	2009
Dil	Azərbaycan dili

Bir addım — 2009-cu ildə çəkilmiş qısametrajlı Azərbaycan filmi.

Məzmun

Film Qarabağ müharibəsində gözlərini itirmiş Yusif adlı gəncin həyat hekayəsindən bəhs edir. Yusifin həyat yoldaşı Nisə ömür-gün yoldaşının göz əməliyyatına pul toplamaq üçün gecə-gündüz işləyir. Belə həyat tərzindən bezən Yusif intihar etmək qərarına gəlir. Lakin qəfil peyda olan qadın obrazında mələk onu ölümdən qurtarır və həyatda gözləri görmədən də yaşamağı ona öyrədir. Sonda Yusifin gözləri əməliyyat edilir və o yenidən işıqlı dünyasına qayıdır.

Film haqqında

"Bir addım" qısametrajlı filmi Mədəniyyət və Turizm Nazirliyinin keçirdiyi "Bu meydan, bu ekran - 2008" müsabiqəsinin qalib kinolayihəsi kimi 2009-cu ildə istehsal olunub.

Filmin heyəti

Film üzərində işləyənlər

Bədii rəhbəri: Cəmil Quliyev
Rejissoru: Fariz Əhmədov, Nərgiz Bağırzadə
Ssenari müəllifi: Alina Abdullayeva, Nərgiz Bağırzadə
Operator: Tarıverdi Tarıverdiyev
Rəssam: Şahin Həsənli (I)
Bəstəkar: Rauf Əliyev
Prodüserlər: Fariz Əhmədov, Rəşad Qasımov

Rollarda

Gülzar Qurbanova
Pərviz Məmmədrzayev
Nərminə Kərimova

Uğurları

"İmper Qrup" Prodüser Mərkəzinin istehsal etdiyi "Bir addım" qısametrajlı bədii filmi 2010-cu il avqustun 28-29-da Ukraynanın İrpen şəhərində keçirilən və 56 ölkə təmsil olunduğu VIII Beynəlxalq "İrpen" kinofestivalının "Peşəkar" bölməsində ikinci yerə layiq görülüb.

Həmçinin bax

Portal:Azərbaycan Kinosu

Xarici keçid

Video

İzlə

YouTube

• Filmi izlə sayt YouTube

Mənbə

• Yeganə, ""Bir addım" filmi beynəlxalq festivalda mükafat qazanıb"