Əli Əhmədov

Əli Əhmədov
Doğum tarixi	27 yanvar 1953(1953-01-27) (71 yaş)
Doğum yeri	Dərə, Basarkeçər rayonu, Ermənistan SSR, SSRİ
Elmi dərəcəsi	fəlsəfə üzrə fəlsəfə doktoru[d]
İş yeri	Bakı Dövlət Universiteti
Mükafatları
Vikianbarda əlaqəli mediafayllar

Əhmədov Əli Cavad oğlu (d.27 yanvar, 1953, Dərə, Basarkeçər, Ermənistan)- fəlsəfə elmləri namizədi, dosent, Azərbaycan Respublikasının Dövlət Qulluğunu İdarəetmə Şurasının və həmin Şura yanında Korrupsiyaya qarşı mübarizə üzrə komissiyanın üzvü, Azərbaycan Respublikası Milli Məclisinin sabiq deputatı. BDU-nun politologiya və sosiologiya kafedrasının müdiri

Həyatı

Əli Əhmədov 1953-cü il yanvarın 27-də Ermənistan Respublikası Basarkeçər rayonunun Dərə kəndində anadan olmuşdur. Moskva Dövlət Tarix-Arxiv İnstitutunun tarix fakültəsini bitirmişdir. 1 dərsliyin, 50-dən çox elmi əsərin və məqalənin müəllifidir.

1975-ci ildən Baş Arxivlər İdarəsinin baş elmi işçisi, Azərbaycan EA-nın Mərkəzi Elmi Baş Arxivinin müdiri olmuşdur. 1980-ci ildən Azərbaycan Dövlət Universitetində laborant, müəllim, baş müəllim, dosent, kafedra müdiri işləmişdir. 1997-ci ildən Azərbaycan Respublikası Prezidentinin İcra Aparatında şöbə müdirinin müavini vəzifəsində çalışmışdır. 1999–2000-ci illərdə Xətai Rayon İcra Hakimiyyətinin başçısı olmuşdur.

1999-cu ildə Yeni Azərbaycan Partiyasının I qurultayında İcra katibi seçilmişdir.

Yeni Azərbaycan Partiyası sədrinin müavini və partiyanın icra katibidir.

İkinci çağırış Azərbaycan Respublikası Milli Məclisinin deputatı olmuşdur.

2005-ci il noyabrın 6-da 19 saylı Nərimanov birinci seçki dairəsindən deputat seçilmişdir. Milli Məclisin Elm və təhsil məsələləri daimi komissiyasının üzvüdür.

2005-ci ilin martın 26-da III qurultayda YAP Sədirinin müavini və İcra katibi seçilmişdir.

Azərbaycan-Çin parlamentlərarası əlaqələr üzrə işçi qrupunun rəhbəri, Azərbaycan-Belarus, Azərbaycan-İtaliya parlamentlərarası əlaqələr üzrə işçi qruplarının üzvüdür.

2009-cu ildə Polşa prezidentinin sərəncamı ilə iki ölkənin münasibətlərinin inkişafına göstərdiyi xidmətlərə görə "Kavaler" ordeni ilə təltif olunmuşdur

Evlidir, 2 övladı var.

Filmoqrafiya

1. Müstəqillik yollarında. Birinci film (film, 2004)
2. Azərbaycana namus və sevgiylə (film, 2006)

Mənbə

• http://www.meclis.gov.az/?/az/deputat/96