Yusif Məmmədov (alim)

Vikipediya, açıq ensiklopediya
Jump to navigation Jump to search
YUSİF MƏMMƏDOV
Doğum tarixi 24 yanvar 1950 (1950-01-24) (69 yaş)
Doğum yeri Dəstəgird, Sisyan rayonu, Qərbi Azərbaycan
Vətəndaşlıq
Elm sahəsi riyaziyyat
İş yeri
Elmi dərəcəsi fizika-riyaziyyat elmləri doktoru[d]

Yusif Məmmədov (Yusif Əbülfət oğlu Məmmədov; d. 24.01.1950, Ermənistan SSR, Sisyan rayonu, Dəstəgird qəsəbəsi) — Azərbaycan Respublikası Təhsil Nazirinin müşaviri (2016), Azərbaycan Dövlət Pedaqoji Universitetinin rektoru (2006—2016), əməkdar elm xadimi, Azərbaycan Milli Elmlər Akademiyasının həqiqi üzvü (2017), fizika-riyaziyyat elmləri doktoru, professor.[1]

Həyatı[redaktə | əsas redaktə]

Yusif Məmmədov 24 yanvar 1950–ci ildə Qərbi Azərbaycanın Sisyan rayonu Dəstəgird qəsəbəsində anadan olmuşdur. 1966-cı ildə orta məktəbi qızıl medalla bitirərək, Azərbaycan Dövlət Universitetinin mexanika-riyaziyyat fakültəsinə daxil olmuş, universiteti əla qiymətlərlə bitirdikdən sonra 1971-ci ildə təyinatla ADU-nun riyazi-fizika tənlikləri kafedrasında saxlanılmış, bu kafedrada assistentdən professor vəzifəsinədək yüksəlmişdir. 2000-2004-cü illərdə BDU-nun birinci prorektoru vəzifəsində çalışmışdır. 1974-cü ildə namizədlik, 1990-cı ildə isə doktorluq dissertasiyası müdafiə etmişdir.

2000-ci ildə Azərbaycan prezidenti Heydər Əliyevin sərəncamı ilə "Əməkdar elm xadimi" fəxri adına layiq görülmüşdür.

2001-ci ildə Azərbaycan Milli Elmlər Akademiyasının müxbir üzvü seçilmişdir.

Riyaziyyatçıdır, riyazi fizika və diferensial tənliklər sahəsində tanınmış mütəxəssisdir. 100-dən artıq elmi əsərin müəllifidir. Əsərlərinin xeyli hissəsi xarici ölkərin nüfuzlu jurnallarında çap olunmuşdur.

10 nəfər elmlər namizədi, 1 nəfər elmlər doktoru yetişdirmişdir.

YUNESKO-nun Elmi biliklərin və texnologiyaların etikası Azərbaycan Milli Komitəsinin üzvüdür.

Azərbaycan Respublikası Prezidenti yanında Ali Attestasiya Komissyasının riyaziyyat və mexanika ixtisasları üzrə ekspert şurasının sədridir.

21 aprel 2006-cı ildən 6 may 2016-cı ilədək Azərbaycan Dövlət Pedaqoji Universitetinin rektoru işləmişdir.

7 may 2016-cı ildən Azərbaycan Respublikası Təhsil nazirinin müşaviri təyin edilib[2].

İstinadlar[redaktə | əsas redaktə]

  1. "Məmmədov Yusif Əbülfət oğlu" (azərb.). science.gov.az (2017).
  2. modern.az

Ədəbiyyat[redaktə | əsas redaktə]

  • "Böyük alim, görkəmli elm və təhsil təşkilatçısı". Fərrux Rüstəmov. Pedaqoji oçerklər: Sələflərim və müasirlərim. Bakı: Elm və təhsil, 2010. - səh. 124.