İsmayıl Mahir
| İsmayıl Mahir | |
|---|---|
| Ümumi məlumatlar | |
| Doğum adı | Nağıyev İsmayıl Bahan oğlu |
| Ləqəbi | Mahir |
| Doğum tarixi | 1928 |
| Doğum yeri | |
| Vəfat tarixi | 1995 |
| Vəfat yeri | |
| Dəfn yeri | |
| Musiqiçi məlumatları | |
| Fəaliyyəti | Aşıqlıq, sazbəndlik və şairlik |
| Musiqi aləti | Saz |
İsmayıl Mahir (1928, İnəkdağı, Yeni Bəyazid qəzası – 1995, Gəncə) — Aşıq, sazbənd və şair.[1]
Həyatı
[redaktə | mənbəni redaktə et]Nağıyev İsmayıl Bahan oğlu 1925-ci ildə Göyçə mahalının İnəkdağı kəndində anadan olub. O el arasında sinədəftər aşıq, el şairi və mahir sazbənd kimi şöhrət tapmışdır.[2]
Uşaq ikən ata və anasını itirən balaca İsmayıl Gəncədə yaşayan bacısı Zibərin himayəsində böyümüşdür.
17 yaşında ikən yenidən Göyçə mahalına qayıtmış, Dədə Ələsgər ocağında Aşıq Talıbdan və Aşıq Nəcəfdən 5 il dərs almışdır. Ustadları onu yüksək qiymətləndirmişlər və o "Mahir" təxəllüsünü qazanmışdır.
Tərlan Göyçəli "Göyçə aşıq məktəbi" kitabında İsmayıl Mahir haqqında yazır: — "Ələsgər ocağından kamil dərs alan, sazın sirlərinə mükəmməl yiyələnən sənətkar bənzərsiz çalğısı, əfsunlu oxuması ilə aşıq ifaçılıq sənətində öz dəsti-xəttini yaradıb, bir müddətdən sonra taleyini birdəfəlik Gəncə şəhərinə bağlamışdır."
İsmayıl Mahir həmçinin "İsmayıl və Qəmzə" dastanının yaradıcısıdır.
Gəncə şəhərində və ətraf bölgələrdə sazbənd kimi də mahir sənətkar olan İsmayıl Nağıyev 1995-ci ildə Gəncə şəhərində vəfat etmişdir.
İstinadlar
[redaktə | mənbəni redaktə et]- ↑ "Sazlı-sözlü Göyçə (II kitab)" (PDF) (az.). Elm və təhsil. 2018. 2018-06-01 tarixində arxivləşdirilib (PDF). İstifadə tarixi: 2018-06-01.
- ↑ Azərbaycan Aşıqlar Birliyi. "Ustad nəfəsli saz-söz ərməğanı" (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.