Ələsgər Vəliyev (jurnalist)
| Ələsgər Vəliyev | |
|---|---|
| Doğum tarixi | |
| Doğum yeri | Göytəpə, Cəlilabad rayonu, Azərbaycan SSR, SSRİ |
| Fəaliyyəti | jurnalist |
Ələsgər Vəliyev — jurnalist, televiziya işçisi.
Həyatı
[redaktə | mənbəni redaktə et]Ələsgər Vəliyev 13 iyul 1978-ci ildə Cəlilabad rayonunun Göytəpə şəhərində dünyaya gəlib. 1996-cı ildə Bakı Dövlət Universitetinin Jurnalistika fakültəsinə daxil olub. 2002-ci ildə həmin fakültənin magistratura pilləsini fərqlənmə diplomu ilə bitirib. 2006-2009-cu illərdə Azərbaycan Milli Elmlər Akademiyasının (AMEA) aspirantı olub.
1997-2000-ci illərdə Bakı Dövlət Universitetinin hərbi kafedrasında nəzarətçi, 2000-2001-ci illərdə "7 gün", 2002-2005-cü illərdə "Həftə içi" qəzetlərində, 2005-2006-cı illərdə İctimai radionun İnformasiya Departamentində redaktor, 2006-2011-cı illərdə İctimai Televiziyanın İnformasiya Departamentində böyük redaktor vəzifələrində çalışıb. 2012-2016-cı illərdə həmin departamentdə şərhçi vəzifəsində işləyib. 2016-2017-ci illərdə İTV İnformasiya departamentinin direktor müavini olub. 2017-ci ildən 2020-ci ilin dekabr ayınadək İTV İnformasiya Departamentinin direktoru işləyib. 2021-ci ilin yanvarından İTV Mərkəzi Aparat Rəhbərinin müavinidir. Evlidir, iki övladı var.