Parlaq әtirşah
Parlaq әtirşah (lat. Geranium lucidum) — ətirşahkimilər fəsiləsinə mənsub birillik ot bitkisi. Hündürlüyü 15-35 sm, gövdəsi düz və yaxud əyilib qalxandır, yarpaqlar parlaq, çılpaq, qonurtəhər, daha sonra qızarandır.
Yarpaq[redaktə | mənbəni redaktə et]
Kökətrafı yarpaqları uzun saplaq üzərindədir, aşağı gövdə yarpaqları görünüşünə görə böyrəkşəkillidir, hissələri əksinəyumurtaşəkillidir, yuxarı hissədə dəyirmiləşmiş və dayaz dairəvi dişlərə kəsilmişdir; yarpaq ayası üst tərəfdən və kənarlardan basıq tüklüdür, daha sonra qızarandır. Yalançı zoğları neştərvaridir, sivriləşmişdir.
Çiçək[redaktə | mənbəni redaktə et]
İkiçiçəkli çiçək saplağının uzunluğu 2-4 sm-dir, meyvə vermə dövründə əyilmiş şəkildə olur. Ləçəkləri çəhrayı rənglidir, əksinəyumurtaşəkilli-uzunsovdur, təpə hissədə dəyirmiləşmişdir.
Meyvə[redaktə | mənbəni redaktə et]
Meyvəsinin tayları arxa tərəfdə torvari qırışlıdır. Toxumları hamardır.
Çiçəkləməsi[redaktə | mənbəni redaktə et]
Aprel-İyun
Meyvə verməsi[redaktə | mənbəni redaktə et]
İyun-Avqust
Azərbaycanda yayılması[redaktə | mənbəni redaktə et]
BQ (Quba), BQ şərq, BQ qərb, Kür düz (qərb), KQ şimal, KQ mərkəzi, KQ cənub, Lənk. dağ. Orta dağ qurşağına qədər.
Yaşayış mühiti[redaktə | mənbəni redaktə et]
Çay sahilində, çaqıl daşlı, rütubətli və qaranlıq yerlərdə rast gəlinir.
Ədəbiyyat[redaktə | mənbəni redaktə et]
- Eldar Şükürov. İsmayıllı rayonu meşə bitkilərinin bələdçi kitabı, Bakı 2016