İv Montan

Vikipediya, açıq ensiklopediya
Keçid et: naviqasiya, axtar
İv Montan
Yves Montand
İv Montan 1987-ci il Kann kinofestivalında
İv Montan 1987-ci il Kann kinofestivalında
Ümumi məlumatlar
Doğum adı İvo Livi
Doğum tarixi 13 oktyabr 1921(1921-10-13)
Monsummano-Terme, İtaliya
Vəfatı 9 noyabr 1991 (70 yaşında)
Sanlis, Uaza, Fransa
Mənşə Flag of France.svg Fransa
Üslub Şanson
Peşələri Aktyor, müğənni
Fəaliyyət illəri 19451991
Albom şirkətləri Sony Music Distribution, Columbia, Polygram, TriStar Music, Tsk

İv Montan (fr. Yves Montand, fransızca tələffüzü: [iv mɔ̃ˈtɑ̃], əsl adı İvo Livi, it. Ivo Livi; 13 oktyabr 1921, Monsummano-Terme, İtaliya9 noyabr 1991, Sanlis, Uaza, Fransa) — fransız şanson müğənnisi və aktyoru.

Həyat və yaradıcılığı[redaktə]

İvo Livi 13 oktyabr 1921-ci ildə İtaliyanın Monsummano-Alto şəhərində dünyaya gəlmişdir. O, Cüzeppina və Covanni Livinin 3 uşağından balacası idi. Qısa müddət sonra ailə Fransaya köçür və Marseldə məskunlaşır. ABŞ-a köçmək fikirləri olsa da, viza problemləri ilə əlaqədar bu mümkün olmur.

1929-cu ildə onlar Fransa vətəndaşlığı alırlar. Gələcək müğənni gənclik illərində əvvəlcə bacısının bərbərxanasında, sonra isə gəmi təmiri müəssisəsində fəhlə işləyir. O öz sənət fəaliyyətini müğənni kimi kinoteatrlarda, klublarda və müzik-hollarda başlamışdır. Təxəllüs kimi o, "İv Montan" adını götürür (İv — İvo adının fransız variantıdır). Özünün verdiyi izaha görə bu təxəllüsün seçilməsi onunla əlaqədardır ki, o uşaq olanda anası onu evə çağırarkən italyan və fransız sözlərini qarışdıraraq "İvo, monta!", yəni "İv, yuxarı qalx!" deyərmiş.[1]

O, bu təxəllüs altında səhnəyə ilk dəfə 17 yaşında çıxmışdır. 1944-cü ildə Montanın Parisdəki çıxışı zamanı Edit Piaf onu görür. Bu tanışlıqdan sonra 1946-cı ilədək onlar birlikdə səhnəyə çıxırlar. Piaf onun repertuarı ilə şəxsən məşğul olur və öz mahnılarının müəlliflərindən Montan üçün bir neçə mahnı yazmalarını xahiş edir. 1946-cı ildə onlar ayrılırlar.

1949-cu ilin avqustunda Montan Sen-Pol-de-Vansda Simona Sinyore ilə tanış olur. Tezliklə Simona birinci əri İva Alleqredən ayrılır və 1951-ci ilin dekabrında Montanla ailə həyatı qurur. Bu cütlük çox populyar idi və şəkilləri jurnalların üz qabığından düşmürdü. Onlar dəfələrlə filmlərdə tərəf müqabili olmuşdular.

1985-ci ildə Simona Sinyore vəfat etdi. 1986-cı ildə "Jan de Floret" filminin çəkilişlərində Montan bir neçə il əvvəl işə qəbul etdiyi katibəsi Karol Amyellə sevgi macərası yaşayır. Amyel İv Montanın yeganə övladının, 1988-ci ilin dekabrında dünyaya gələn Valentinin anasıdır.

İv Montan 1991-ci il noyabrın 9-da "İP-5: Dərisi qalınlar adası" filminin çəkilişləri zamanı soyuqlayaraq, çəkiliş meydançasında vəfat etmişdir.

Siyasi baxışları[redaktə]

Solçu fikirləri ilə məşhur olan İv Montan, bu səbəbdən SSRİ-də çox populyar idi. Kommunizm ideyalarını dəstəkləyən Montan, hətta 1956-cı il Macarıstan hadisələrindən sonra SSRİ-yə qastrol səfərlərini ləğv etmədi. Buna görə fransız mətbuatı onu ciddi tənqid etsə də, SSRİ-də onu sevinclə qarşılamışdılar.

Filmoqrafiyası[redaktə]

Diskoqrafiyası[redaktə]

  • 1960 — Let's Make Love [Bonus Tracks] (Sony Music Distribution)
  • 1962 — Montand Chante Prévert (Versailles Records)
  • 1964 — En Balade (Columbia)
  • 1964 — Le Paris de Montand (Sony Music Distribution)
  • 1968 — La Bicyclette (Polygram)
  • 1968 — Je Sais Que Vous Etes (PolyGram)
  • 1974 — Montand de Mons Temps (TriStar Music)
  • 1981 — Olympia '81 (PolyGram)
  • 1988 — D'Hier Et D'Aujord'Hui (Polygram)
  • 1992 — Recital Au Theatre de L'Etoile (Sony Music Distribution)
  • 1994 — One Man Show (Sony Music Distribution)
  • 2008 — Best of Yves Montand [Klub] (Klub Publishing)
  • 2008 — Les Débuts de Yves Montand, Vol. 1 (1945-1948) (Forlane)
  • 2010 — 10 Chansons Pour l'Été (Tsk)
  • 2010 — Je Soussigné (Tsk)
  • 2010 — A Paris (Original Sound) (Tsk)
  • 2010 — 18 Titres Eternels
  • 2011 — Le Music-hall à La Français

İstinadlar[redaktə]

  1. Müsahibə, Candide, 22 may 1967.

Xarici keçidlər[redaktə]