İxtiozavrlar

Vikipediya, açıq ensiklopediya
Keçid et: naviqasiya, axtar
İxtiozavrlar
İxtiozavrlar
İxtiozavrlar (rekonstruksiya)
Elmi təsnifat
Aləmi: Heyvanlar
Tip: Xordalılar
Sinif: Sürünənlər
Dəstə: İxtiozavrlar
Latın dilində adı
Ichthyosauria Blainville, 1835
Fəsilələri

Wikispecies-logo.svg
Vikinnövlərdə
təsnifat

Commons-logo.svg
Vikianbarda
şəkil

ÜTMS [1]
NCBI {{{1}}}


İxtiozavrlar (lat. Ichthyosauria) — Mezozoy sürünənlərinin nəsli kəsilmiş lat. Ichthyopterygia yarımsinfinə aid dəstə.

Ən çox Yura dövründə yayılmışlar. İxtiozavrlar iri (uzunluğu 12 m-dək) yırtıcılar olub, açıq dənizdə yaşamağa uyğunlaşmış və quruluşunda bir sıra dəyişikliklərə məruz qalan quru heyvanlarının nəsli imiş. İxtiozavrların bədəni balıq şəklinə düşmüş, burnu uzanmış, boynu itib getmiş, ətrafları pərlərə çevrilmiş, quyruğunun ucunda və belində dəri üzgəclər inkişaf etmiş, fəqərələri ikiqat əyilmiş (balıqlarda olduğu kimi), göz yuvasında suyun təzyiqinə qarşı davamlı sklerotik lövhələr əmələ gəlmiş, dərisindəki pulcuqlar itmişdir. İxtiozavrların tamamilə suda yaşaması ilə əlaqədar ətraflarının quruluşu elə dəyişmişdi ki, onlar quruya çıxa bilməmişlər və diri bala-doğan olmuşlar. Balıqlar və başıayaqlı molyusklarla qidalanmışlar. İxtiozavrların qalıqları Şimal yarımkürəsinin Mezozoy dəniz çöküntülərində, o çümlədən Mərkəzi Avropada daha çox tapılmışdır. İxtiozavrların akulalardelfinlərlə təkamül nəticəsində qazandığı bənzəyiş (onurğalıların başqa siniflərindən olan heyvanlarla) oxşar həyat tərzinin nəticəsi, morfoloji konvergensiyanın klassik nümunəsidir.