Ağıriyli ardıc

Vikipediya, açıq ensiklopediya
Keçid et: naviqasiya, axtar

Ağıriyli ardıc (lat. Juniperus foetidissima) — sərvkimilər fəsiləsindən bitki növü. Nadir ağac növüdür. Azərbaycanda Şəki (Sarıca, Çayqaraqoyunlu), Qəbələ (Savalan), Quba (Xaltan), Göygöl (Eldaroyuqlu dağı), Cəbrayıl (Nüllü Qazanzəmi, Şıxlar), Zəngilan (Ağbənd, Şayıflı), Ağdaş (Türyançay qoruğu ərazisi), Abşeron (Altıağac), Şamaxı (Hilmilli), Naxçıvan MR-nin Şahbuz (Biçənək kəndi) rayonunda yayılmışdır. Azərbaycandan kənarda – Krım, Mərkəzi və Şərqi Zaqafqaziyada, Yunanıstan, Kipr adasında, Kiçik Asiyada, Suriya və Şimali İranda vardır .

Bitdiyi yer[redaktə]

Dəniz səviyyəsindən 1000 m yüksəkliyə kimi aşağı və orta dağlıq qurşaqların daşlı-qayalı, quru yamaclarında bitir. Bütün cənub ardıc kollarından daha Mezofil olduğu üçün torpağın şoranlığına nisbətən davamlıdır. Şəki dağlarında və Bozdağ silsiləsində geniş ərazini tutur və seyrək ardıc meşəliyi yaradır. Tək-tək ağaclara tez-tez təsadüf edilir. Toxumla çoxalır. Mal-qara otarılması, sistemsiz kəsilməsi, yanğınlar baş verməsi və torpaq bərk olduğu üçün təbii bərpanın çox zəif getməsi məhv olmasına səbən olur.

Azərbaycan Botanika İnstitutunun Botanika bağında becərilir (Bakı). Turyançay qoruğunda mühafizə edilir. Kəsilməsini və mal-qara otarılmasını qadağan etmək, Abşeron və Şamaxı rayonlarinda yeni yasaqlıqlar təşkil etmək məsləhətdir.

Mənbə[redaktə]

  • Azərbaycan Respublikasının Qırmızı kitabı, 1989;
  • V.C. Hacıyev, S.H. Musaev – Azərbaycan "Qırmızı" və "Yaşıl" kitablarına tövsiyə olunan bitki formasiyaları., 1996

Xarici keçidlər[redaktə]

http://www.mct.gov.az/?/az/flora/2249/63