Ağboğaz bülbül

Ağboğaz bülbül (lat. Irania gutturalis), (Passeriformes) dəstəsindan bir quş növü. Azərbaycanda təhlükədə olan quşlar siyahısına daxil edilmişdir.

• Status. Arealının kənarında yerləşən, azsaylı, yuvalayan köçəri növdür.
• Yayılması. Naxçıvan MR-də yayılmışdır. Ərəbistan yarımadasında və Efiopiyada qışlayır.
• Yaşayış yeri. Seyrək kol və ağac olan daşlı-kəsəkli alçaq dağlarda yaşayır. Biçənək və qışlaqların genişlənməsi ağboğaz bülbülün yaşayış şəraitini pisləşdirir.
• Təbiətdə sayı. Seyrək quşdur, 10 kv. km sahəyə bir cüt quş düşür.
• Çoxalması. Yuvası kolluqda olur. Aprel-may aylarında 4-5 yumurta qoyur. Ola bilsin ki, ildə iki nəsil versin.
• Rəqibi, düşməni, xəstəliyi. Məlumat yoxdur.
• Sayının dəyişilmə səbəbləri. Otlaqda mal-qaranın həddindən artıq otarılması və bəzən otların biçilməsi.
• Qorunması üçün zəruri tədbirlər. Bu quşun yuvaladığı sahələri öyrənib nəzarət altına almaq, növün qorunmasını təbliğ etmək lazımdır.