Antena

Vikipediya, açıq ensiklopediya
Keçid et: naviqasiya, axtar

Antena – radio dalğalarının göndərilməsi və qəbul edilməsi üçün qurğu.

Televiziya antenası — təsvir və onu müşayiət edən səsin radiosiqnallarının verilməsi (verici) və qəbulu (qəbuledici) üçün antena. Televiziya antenası üçün metrlik və desimetrlik diapazonlardan istifadə olunur. Verici televiziya antenasının istiqamətlənmə diaqramı və güclənmə əmsalı vibratorların qarşılıqlı yerləşməsindən və onların qidalanma sxemindən asılıdır. Verici televiziya antenası üfüqi simmetrik vibratorlar sistemindən ibarətdir və istiqamətlənmə diaqramı üfüqi müstəvidə dairəvi, şaquli müstəvidə isə ləçəkvaridir (ləçəklər Yer səthi boyunca istiqamətlənir). Verici Televiziya antenası turniket, panel və radial tiplidir. Bunların güclənmə əmsalı metrlik dalğalarda 10—15-ə, desimetrlik dalğalarda isə 30—40-a çatır. Qəbuledici Televiziya antenası xarici (fərdi və ya kollektiv istifadəli antenalar) və daxili (otaq Televiziya antenası) olur. Xarici televiziya antenasının tezlik zolağı geniş olduğundan müxtəlif kanallarda işləyən televiziya mərkəzlərinin siqnallarını bir antena ilə qəbul etmək mümkündür. Daxili televiziya antenası televiziya mərkəzinə yaxın yerləşən televiziya qəbulediçilərində istifadə edilir.