Astrologiya
Astrologiya (yunanca: ἄστρον-ulduz,bürc və λογία-elm sözündən) göy cisimləriylə, onların hərəkətləriylə yerdəki insanların xarakterləri, sosial əlaqələri və s. arasında əlaqəni hesablayan, təxmin edən və sistemləşdirən ənənə və inancların bütünlükdə adıdır.
Müasir dövrdən əvvəlki zamanlarda Astrologiya ilə Astronomiya tez tez qarışdırılırdı. Astrologiya demək olar ki Astronomiya ilə birlikdə inkişaf etmişdir. Böyük astroloqlar həm də dövrlərinin böyuk astronomları idilər. Astrologiya şərqdə ilmi-nücum, ulduz falı və başqa adlarla adlandırılmışdır. Akademik mətbuatda astrologiya elm sayılmır, ona daha çox fal və batil inanc kimi baxılır. Buna baxmayaraq insanların böyük bir hissəsi ona inanmaqda davam edir. Bəzi astroloqlara görə astrologiya əsla fal demək deyildir. Çünki astrologiya da başqa elmlər kimi hesablamalara, müşahidələr əsasında mühakimələrə əsaslanır.
Mündəricat |
[redaktə] Astrologiya nədir?
Gələcək təxmini adı ilə nəzərdə tutulan, gələcək bir zamanda yaşanacaq hadisəni təxmin etməksə, bunu edən adamın adı kahindir. İqtisadçılar, birjaçılar, meteoroloqlar bir mənada gələcəyi təxmin etməyə çalışar. Bu kəslərin istifadə etdiyi metod, keçmiş trend və dövrləri əsas götürərək edilən analizlərdir.
Astroloqlar da eyni şəkildə kainatın trendlerini və dövrlərini əsas götürərək gələcək haqqında şərh edə bilər. Ancaq fırtına birdən yavaşlaya bilər, şirkətin baş müdüri infarkt keçirə bilər, iqtisadiyyatda gözlənilməz bir hadisə ola bilər... Astroloqlar da təxminlərində yanıla bilər. Metodu nə olursa olsun kimsə gələcəyi yüz faiz təxmin edə bilməz.
Bir astroloq sizə, "Yeni iş qurmaq üçün bu dövr, bu dövrdən daha yaxşıdır" və ya "Yaz sonu yeni bir eşq ehtimalı ola bilər" dediyi zaman, bu ehtimalı reallaşdırıb reallaşdırmamaq sizin əlinizdədir. Bu, yüzdə yüz yeni işiniz və ya yeni eşqiniz olacaq demək deyil. Təbiətin enerjisi o dövrə daha uyğundur və bunu istifadə etmək adamın öz iradəsindədir. Eyni vəziyyət kollektiv sahədə də etibarlıdır. Astrologiya, məsələn bir cəmiyyətin yaşadığı ağrılı hadisəsni əvvəldən təxmin etmək yerinə, "Necə bir mühitdə və vaxtda yaşayırıq?" sualına cavab verə bilər. Bu mühitin doğuracağı hadisələr isə naməlumdur.
ASTROLOGİYANIN MƏNTİQİ
"Biz müəyyən bir vaxtda, müəyyən bir yerdə doğulduq və eynilə köhnəlmiş bir şərab kimi, doğulduğumuz ilin və mövsümün xüsusiyyətlərini daşıyırıq. Astrologiya bundan başqa bir şey iddia etməz..."
[redaktə] Karl Yunq (psixiatr/Psixanalist)
Astrologlardan tez-tez soruşulan sual, planetlərin insanlar üzərində bir təsiri olub olmadığıdır. Təəssüf ki, vərdiş etdiyimiz bu tip bir düz məntiq, astrologiya üçün etibarlı deyil. Qısaca, insanlarla planetlər arasında görülməyən güclər və ya bir cazibə qüvvəsi yoxdur. Astrologiyanın təməli, kainatın bir bütün olduğunu qəbul etməyə söykənir. O anın enerjisi; planetlərdə, təbiətdə və insanlarda eyni təsiri yaradar. Yalnız minlərlə illik məlumat təcrübəsi antik çağlardakı insanların müqəddəs qəbul etdiyi səmaya əks etdirilmişdir. Onlar dənizdəki dalğa köpüklərini də bu qədər tədqiq etmiş olsaydılar, bu gün köpükləri də oxuya biləcək məlumat təcrübəmiz ola bilərdi.
[redaktə] ASTROLOGİYANIN DƏYƏRİ
Astrologiyanın insanlara verdiyi ən böyük dəyər, doğulduğu anın izlərinə baxaraq insanın öz mənliyini anlamağa verdiyi köməkdir. Astroloqlar doğum xəritəsini şərh edərək sizə, məsələn niyə eyni növ əlaqələrin içinə girdiyinizi, niyə həmişə çalışdığınız kəslərin sizə təzyiq etmək istədiyini, niyə seksual ehtiyaclarınızın təmin edilə bilmədiyini, niyə həmişə özünüzü borca soxduğunuzu, niyə uşaq sahibi olmaq və ya olmamaq mövzusundakı qərarı verə bilmədiyinizi anlamanıza kömək edə bilər.
İç dünyamızı, daha doğrusu şüuraltımızı anladıqdan sonra, inkişaf edən hadisələrə süründürülmək yerinə öz seçimlərimizi edə bilərik. Daha əvvəl bizi üzən növdə bir hadisəyə artıq fərqinə vararaq yaxınlaşa bilərik. Astrologiya bizə bu fərqindəolmağı və seçim şansını verir. Onun verdiyi baxış açısı ilə qədərimiz üçün ulduzları günahlandırmaq yerinə, həyatımızın məsuliyyətini əlimizə ala bilərik.
Bu məqalənin azərbaycan dili əlifbasının ərəb qrafikası ilə qarşılığı vardır. Bax: آسترولوژی یا
