Atakişi bəy Mərdanbəyov
| Atakişi bəy Mərdanbəyov | |
|---|---|
| Atakişi bəy Mərdan bəy oğlu Mərdanbəyov | |
| Doğum tarixi | |
| Doğum yeri | Qalalı, Qaraçorlu mahalı |
| Vəfat tarixi | |
| Fəaliyyəti | hərbi qulluqçu |
Atakişi bəy Mərdan bəy oğlu Mərdanbəyov (1825-1881) —çar ordusunun zabiti
Həyatı[redaktə | mənbəni redaktə et]
Atakişi bəy Mərdan bəy oğlu 1825-ci ildə Qarabağın Qaraçorlu mahalının Əliyanlı camaatının Qalalı kəndində olmuşdu. İbtidai təhsilini molla yanında almışdı. 1 may 1845-ci ildə çar ordusunda, Zaqafqaziya Müsəlman Atlı alayında xidmətə başlamışdı. 23 fevral 1851-ci ildə çarın Leyb-qvardiyasına daxil edilmişdi. 12 dekabr 1852-ci ildə vəkil rütbəsi almışdı. 1849-cu ilin 27 maydan 9 sentyabradək macarların qiyamının yatırılmasında iştirak etmişdi. Georgi lentli gümüş medalla təltif olunmuşdu. [1]
Atakişi bəy Mərdanbəyov praporşik rütbəsi almışdı. 1863-cü ilə bağlı qaynaqda kornet rütbəsi daşıdığı haqda bilgi var. Ordudan tərxis olduqdan sonra doğma kəndinə qayıtmışdı.
Atakişi bəyin Əziz bəy, Firudin bəy, Aslan bəy adlı oğlanları vardı.
Mükafatları[redaktə | mənbəni redaktə et]
Atakişi bəy Mərdanbəyov yaxşı xidmətlərinə görə 1849-cu ildə gümüş medalla, 1854-cü ildə 4-cü dərəcəli "Müqəddəs Anna" ordeni ilə təltif edilmişdi.
Mənbə[redaktə | mənbəni redaktə et]
- Ənvər Çingizoğlu, Əliyanlısan? Qanlısan! Bakı, "Soy", 2011, səh.41-44.
- Ənvər Çingizoğlu, Qarabağ hərbçiləri, Bakı:Təknur, 2011,-312 səh.
İstinadlar[redaktə | mənbəni redaktə et]
- ↑ РГВИА. Ф. 970. Оп. 1. Д. 467. Л. 66 об. - 67.