Azər Niftəliyev

Azər Niftəliyev
Azər Bayram oğlu Niftəliyev
Şəxsi məlumatlar
Doğum tarixi	22 iyul 1957
Doğum yeri	Zəngəzur mahalı
Vəfat tarixi	2 yanvar 1994 (36 yaşında)
Vəfat yeri	Suqovuşan kəndi
Dəfn yeri	Mingəçevir şəhidlər xiyabanı
Milliyyəti	Azərbaycanlı

Azər Bayram oğlu Niftəliyev (22 iyul 1957, Zəngəzur – 2 yanvar 1994) — Baş leytenant, "Babək-44" taborunun sıralarında Ağdərə uğrunda gedən döyüşlərdə şücaət göstərmiş, yeni nəslin vətənpərvərlik ruhunda yetişməsində öz qəhrəman mübariz döyüş yolu ilə nümunə olmuş, Qarabağ müharibəsinin "Azərbaycan Bayrağı" ordenli şəhidi.

Həyatı

Azər Bayram oğlu Niftəliyev 1957-ci il iyulun 22-də Zəngəzur mahalının Gorus rayonunun Şurnuxu kəndində anadan olmuşdur. Gözlərini müəllim ailəsində açan Azər, ailə peşəsini davam etdirmək üçün Azərbaycan Dövlət Pedaqoji Universitetinin Riyaziyyat fakültəsinə daxil olmuşdur. Təhsilini tamamladıqdan sonra, müxtəlif illərdə Mingəçevir Poltexnik texnikomunda müəllim, Azərbaycan DRES tikinti quraşdırma idarəsində mühəndis işləyib. 1992-ci il sentaybrın 9-da zabit kimi Milli Ordu sıralarına çağırılıb. Ağdərə rayonu, Suqovuşan kəndi və Sərsəng su anbarı uğrunda döyüşlərdə iştirak edib. İki dəfə mühasirəyə düşüb. Birinci Qarabağ Müharibəsi başlayanda könüllü olaraq torpaqlarımızın müdafiəsinə yollanıb.

Vəfatı

1994-cü il yanvarın 2-də Madagiz (indiki adı ilə Suqovuşan) uğrunda gedən döyüşlərdə minaya düşərək şəhidlik zirvəsinə ucalmışdır. 4 yanvar 1994-cü ildə Mingəçevir Şəhidlər Xiyabanında dəfn edilmişdir.

Azər Niftəliyevin dəfni

Azər Niftəliyev dəfni

Azər Niftəliyev dəfni

Şəhid Azər Niftəliyevin məzarı

Təltifləri

• Ölümündən sonra Azərbaycan Respublikasının Prezidenti Heydər Əliyevin fərmanı ilə Azər Bayram oğlu Niftəliyev torpaqlarımızın erməni işğalçılarından müdafiəsində göstərdiyi şücaətə görə "Azərbaycan Bayrağı" ordeni ilə təltif edilmişdir.(ölümündən sonra)

Ailəsi

Ailəli idi, bir oğlu, bir qızı var.

Azər Niftəliyev övladları ilə.

İrsi

• İçərisində Azər Niftəliyevin əlyazması olan cib dəftərinin də daxil olduğu əşyaları hal-hazırda Mingəçevir Şəhidlərin Xatirə Muzeyindəki digər eksponatlar ilə birlikdə sərgilənir.

  

  İçərisində Azər Niftəliyevin əlyazması olan cib dəftərinin də daxil olduğu əşyaları hal-hazırda Mingəçevir Şəhidlərin Xatirə Muzeyindəki digər eksponatlar ilə birlikdə sərgilənir.

Azər Niftəliyevin cib dəftəri

• Mingəçevir şəhər "Energetiklər" qəsəbəsindəki Mədəniyyət Evi Azər Bayram oğlu Niftəliyevin adına verilmişdir. Hal-hazırda Şəhid Azər Niftəliyev adına Mədəniyyət Mərkəzi onun adının gələcək nəsillərə ötürülməsində vasitəçilik edir.

Qalereya

• 
• 
• 
• 

Həmçinin bax

• "Azərbaycan Bayrağı" ordeni ilə təltif edilənlərin siyahısı
• Mingəçevir Şəhidlər Xiyabanı
• Şurnuxu
• Mingəçevir şəhidləri kitabı (Faiq İsmayılov)