Azərbaycan Bədii Tərcümə və Ədəbi Əlaqələr Mərkəzi
Vikipediya, açıq ensiklopediya
(Azərbaycan Tərcümə Mərkəzi səhifəsindən istiqamətləndirilmişdir)
Azərbaycan Bədii Tərcümə və Ədəbi Əlaqələr Mərkəzi - sədri Afaq Məsuddur.
Azərbaycan Yazıçılar Birliyinin nəzdində fəaliyyət göstərən Bədii Tərcümə və Ədəbi Əlaqələr Mərkəzi Nazirlər Kabinetinin 1989-cu il 6 mart tarixli qərarı ilə yaradılmışdır. Mərkəzin ilk sədri tanınmış alim Aydın Məmmədov olmuşdur.
Mərkəzin məqsədləri:
- dünya ədəbiyyatının ən yaxşı nümunələrinin Azərbaycan dilinə tərcüməsi və yayılması;
- Azərbaycan ədəbiyyatının ən yaxşı nümunələrinin dünya dillərinə tərcüməsi;
- bədii tərcümə işinin təbliği;
- Azərbaycan dilinə və Azərbaycan dilindən edilən tərcümələr haqqında oxucuların məlumatlandırılması;
- tərcümə işinin daha uğurlu təşkili məqsədilə respublikada və ölkədən kənarda fəaliyyət göstərən nəşriyyatlarla əməkdaşlıq edilməsi;
- bədii tərcümə və ədəbi proseslər barədə sorğu-biblioqrafiya materiallarının hazırlanması;
- tərcümə nəzəriyyəsi və tarixinə dair əsərlərin nəşr edilməsi;
- xarici ölkə xalqlarının dillərində buraxılmış ən maraqlı məcmuə və almanaxların Azərbaycan dilinə tərcüməsi;
- peşəkar tərcüməçilərin yetişdirilməsinə yardım göstərilməsi və s.
Azərbaycan Bədii Tərcümə və Ədəbi Əlaqələr Mərkəzinin jurnalı rüblük işıq üzü görən «Xəzər» jurnalıdır.
Jurnalın baş redaktoru Afaq Məsuddur.
Mərkəz 1991-2007-ci illər ərzində 70-ə yaxın tərcümə əsərini ayrıca kitab kimi çap etdirmişdir.
