Azərbaycanda donuzçuluq
Azərbaycanda donuzçuluq geniş yayılmamış heyvandarlıq növlərindən biridir. Son dövrlərdə Azərbaycanda olan donuz təsərrüffatlarının sayı artıb. Bakıda və ölkənin digər yerlərində yerləşən donuz təsərrüfatlarının çoxu özəlləşdirilmişdir.[1] Ölkədə saxlanılan donuzlar əsasən ağ Ukrayna donuz cinsidir.[2]
Xüsusiyyətlər[redaktə | mənbəni redaktə et]
2013-cü ilin statistikasına əsasən Azərbaycanda 6495 donuz saxlanılırdısa, 2014-cü ildə bu say 7600-ə çatmışdır.[1] 2022-ci ildə isə bu rəqəm 6389-ə düşmüşdür.[3] Azərbaycanda donuzlar əsasən şimal-qərb, şimal rayonları və Abşeron yarımadasında saxlanılır. Bölgələr üzrə ən çox donuz təsərrüfatı Şəki-Zaqatala regionunda yerləşir. Xüsusilə, Qax, Oğuz və Qəbələ (Nic kəndi) rayonları donuzçuluq baxımından fərqlənirlər. Qax Azərbaycanda ən çox donuzun saxlanıldığı rayondur. 2015-ci ilin statistikasına görə bu rayonda 3500 baş donuz saxlanılır, donuz təsərrüfatı ilə əsasən ingiloylar və gürcülər məşğul olur. Gədəbəy, Goranboy, Qusar, Xaçmaz, İsmayıllı (İvanovka kəndi) və Kürdəmirdə də donuzçuluq təsərrüfatları yerləşir.[1][2]
Donuz təsərrüfatlarında saxlanılan donuzlar arasında donuz qripi xəstəliyinin yayılmadığını müəyyən etmək üçün tez-tez Dövlət Baytarlıq Xidməti tərəfindən tədbirlər keçirilir.[4]
İstifadə[redaktə | mənbəni redaktə et]
Azərbaycan bəslənən donuzların ətindən kolbasa istehsalında istifadə olunur.[1] Donuz ətinin satışı da həyata keçirilir, lakin bahalı ət növüdür.[2]
İstinadlar[redaktə | mənbəni redaktə et]
- ↑ 1 2 3 4 "Azərbaycanda 7600 baş donuz saxlanılır". Modern.az (az.). 7 yanvar 2014. 2023-07-12 tarixində arxivləşdirilib. İstifadə tarixi: 12 iyul 2023.
- ↑ 1 2 3 "Azərbaycanda nə qədər donuz var? - RƏSMİ CAVAB". Modern.az (az.). 14 iyul 2015. 2023-07-12 tarixində arxivləşdirilib. İstifadə tarixi: 12 iyul 2023.
- ↑ "Azərbaycanda ən çox bu rayonlarda donuz saxlanılır". Müsavat (az.). 14 avqust 2022. 2023-07-12 tarixində arxivləşdirilib. İstifadə tarixi: 12 iyul 2023.
- ↑ "Qəbələnin donuzçuluq təsərrüfatlarında dezinfeksiya işləri aparılıb (FOTO)". Trend.az (az.). 14 yanvar 2019. 2023-07-12 tarixində arxivləşdirilib. İstifadə tarixi: 12 iyul 2023.