Cənubi Qafqaz. 1903-cü il
"Cənubi Qafqaz. 1903-cü il" — 1903-cü ildə Rusiyada tərtib edilmiş "Kaртa Kaвкaзскoгo Вoeннoгo Oкругa 1903-гo гoдa" xəritəsi əsasında Azərbaycan Respublikasının Dövlət Torpaq və Xəritəçəkmə Komitəsi tərəfindən hazırlanmış xəritə.
Nəşri[redaktə | mənbəni redaktə et]
1903-cü ildə Rusiyada tərtib edilmiş "Kaртa Kaвкaзскoгo Вoeннoгo Oкругa 1903-гo гoдa" xəritəsi əsasında Azərbaycan Respublikasının Dövlət Torpaq və Xəritəçəkmə Komitəsi tərəfindən hazırlanmış xəritəsinin nəşr olunması Azərbaycan Respublikası Prezidentinin 18 aprel 2012-ci il tarixli, 2188 nömrəli Sərəncamı ilə qərara alınmışdır[1].
Həmin Sərəncamla "Cənubi Qafqaz. 1903-cü il" xəritəsinin nəşri üçün Azərbaycan Respublikasının Dövlət Torpaq və Xəritəçəkmə Komitəsinə Azərbaycan Respublikasının 2012-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 225 min manat vəsait ayrılmışdır[1] Bundan sonra xəritə azərbaycan, ingilis və rus dillərində hazırlanmaqla, ümumilikdə 75 min nüsxə ilə nəşr olunmuşdur[2].
İstinadlar[redaktə | mənbəni redaktə et]
- ↑ 1 2 “Cənubi Qafqaz. 1903-cü il” xəritəsinin nəşri haqqında Arxivləşdirilib 2023-07-06 at the Wayback Machine AZƏRBAYCAN RESPUBLİKASI PREZİDENTİNİN 18 aprel 2012-ci il tarixli, 2188 nömrəli SƏRƏNCAMI. e-qanun.az (az.)
- ↑ “Cənubi Qafqaz. 1903-cü il” xəritəsi nəşr olunmuşdur Arxivləşdirilib 2023-07-06 at the Wayback Machine. 18.12.2012, azertag.az (az.)