Didye Droqba
Fil Dişi Sahilindən olan Didye Droqba 25 yaşına qədər yaxşı oynamayıb. İndi dünyanın ən güclü forvardlardan biridir.
[redaktə] Həyatı
Didye Droqba 1978-ci il martın 11-də Fil Dişi Sahilində anadan olub. «Tito» ləqəbli oğlan 5 yaşında ikən əmisi ilə birgə Fransaya gəlir.
[redaktə] Karyerası
Fransada futbolun sirrlərinə yiyələnməyə başlayan «Tito» ilk peşəkar müqaviləsini 1998-ci ildə «Le Man»-la bağlayır. Daha sonra «Genqam»-a transfer olunan Droqba 2003-cü ildə «Olimpik» (Marsel)-ə keçir. Yeni klubunun heyətində 35 oyuna 18 qol vuran Droqba dünya futbolunda özündən söz etdirməyi bacarır. Bu uğur «Çelsi»-nin baş məşqçisi Joze Maurinyonun da diqqətindən yayınmır. Beləliklə 2004-cü ildə «Çelsi»-yə transfer olunur.
Droqbaya Fransa millisində oynamaq təklif olunsa da, o doğulduğu Fil Dişi Sahilinin yığmasında çıxış etməyə üstünlük verib və məhz buna görə də futbolçuya vətənində cəsur ürək ləqəbi veriblər.
[redaktə] Nailiyyətləri
Afrikada 2006-cı ilin ən yaxşı futbolçusu adına layiq görülüb.
