Jozef Babinski

Vikipediya, açıq ensiklopediya
Keçid et: naviqasiya, axtar
Jozef Babinski
fr. Joseph Jules François Félix Babinski
Jozef Babinski2.jpg
Doğum tarixi: 2 və ya17 noyabr 1857(1857-11-17)
Doğum yeri: Paris, Fransa
Vəfatı: 29 oktyabr 1932 (74 yaşında)
Vəfat yeri: Paris, Fransa
Milliyyəti: Fransız
Fəaliyyəti: nevroloq

Jozef Babinski (fr. Joseph Jules François Félix Babinski; pol. Józef Franciszek Feliks Babiński) — polyak əsilli fransız həkim-nevropatoloq. Paris Elmlər Akademiyasının üzvü (1914).

Bioqrafiya[redaktə]

Mühəndis ailəsində anadan olmuşdur. 1848-ci il Varşavada inqilab zamanı ailəsi Polşadan qaçmışdır. Salpetrier klinikasında Jan-Martin Şarkonun şagirdi olmuşdur. 1886-cı ildə doktorluq dissertasiyasını müdafiə etdikdən sonra Salpetrier klinikasını idarə etmişdir. Parisdə nevropatoloqlar və psixiatrlar cəmiyyətinin yaradıcılarından biri (1899), onun fəxri üzvü və 1907-ci ildən rəhbəri olmuşdur. 1925-ci ildə Stefan Batori Universitetinin fəxri doktoru (lat. honoris causa) olmuşdur.

Elmi fəaliyyəti[redaktə]

288 elmi nəşrin müəllifi olmuşdur. O, 1896-cı ildə sinir sisteminin üzvi pozulmasının diaqnostikası üçün əhəmiyyət kəsb edən və öz adını daşıyan refleksin (Babinski refleksi) təsvirini vermişdir. Babinski Fransada mərkəzi sinir sistemində yaranan şişlər üzərində əməliyyat aparan ilk şəxslərdən biri olmuşdur (1911). 1914-cü ildə Babinski anozoqniziyanın peyda olmasının təsvirini vermişdir.