Juqderdemidiyn Qurraqça

Vikipediya, açıq ensiklopediya
Keçid et: naviqasiya, axtar
Juqderdemidiyn Qurraqça
Jügderdemidiin Gürragchaa.jpeg
Doğum tarixi: 5 dekabr 1949 (1949-12-05) (64 yaş)
Doğum yeri: Qurvanbulaq, Monqolustan
Vəfat yeri: Moskva, Rusiya
Vətəndaşlıq: Monqol
Peşəsi: Kosmonavt
Milliyyəti: Monqol
İxtisası: Kosmos mühəndisi
Mükafatları:
Sovet İttifaqı Qəhrəmanı
"Lenin" ordeni

Juqderdemidiyn Qurraqça (monq. Жүгдэрдэмидийн Гүррагчаа; rus. Жугдэрдэмидийн Гуррагча, 5 dekabr 1947) — kosmosa uçuş etmiş ilk monqol və ikinci asiyalı.[1] O, 2000-2004-cü illər arasında Monqolustanın Müdafiə naziri olmuşdur.

Erkən həyatı və kosmonavtika[redaktə]

Juqderdemidiyn Qurraqça 1947-cı il, 5 dekabr tarixində Monqolustanın şimalında yerləşən Qurbanbulaq bölgəsində anadan olmuşdur. Ulan-Batorda kosmik mühəndislik üzrə təhsil aldıqdan sonra hərbi hava qüvvələrinə qoşulmuş və General-mayor rütbəsinə kimi yüksəlmişdir.

1978-ci ilin, 1 martında səkkizinci "Interkosmos" lahiyəsinə üzv seçilmişdir. O, Maydarjavin Qanzoriqin əvəzetməsi idi. Qanzoriqin gedə bilməməsi səbəbilə proqramda Qurraqça iştirak etmişdir. Sovet kosmonavtı Vladimir Canibekov ilə birlikdə Beykonur kosmodromundan 22 mart, 1981-ci il tarixində Salyut 6 kosmik aparatı ilə orbitə çatdılar. Canibekov və Qurraqça orada bir sıra təcrübə apardılar. Kosmosda 7 gün, 20 saat, 42 dəqiqə qaldıqdan sonra onlar Qazaxıstanın Jezkazqan şəhərinə eniş etdilər.

Uçuşdan sonra[redaktə]

1981-ci ilin 30 martında Juqderdemidiyn Qurraqça Sovet İttifaqı Qəhrəmanı adına layiq görülmüşdür.[2] Ulan-Batorun cənubunda yerləşən, Rusiya-Monqolustan dostluğunun şərəfinə ucaldılmış "Zaysan" memorialının divarında Qurraqçanın 1981-ci il kosmik uçuşundan görüntülər öz əksini tapmışdır.

Müdafiə naziri olmamışdan qabaq o, Monqolustan Silahlı Qüvvələrinin hava müdafiəsinin qərargahının rəisi vəzifəsində çalışmışdır. Hal-hazırda evlidir və 2 övladı var.

İstinadlar[redaktə]

  1. Man-In-Space Firsts
  2. (rus.) Biography at the website on Heroes of the Soviet Union and Russia

Xarici keçidlər[redaktə]