Kərgədanlar

Kərgədanlar
Ağ kərgədanlar (Ceratotherium simum)
Elmi təsnifat
Aləmi: Heyvanlar Tip: Xordalılar Yarımtip: Onurğalılar Sinif: Məməlilər İnfrasinif: Plasentalılar Dəstə: Təkdırnaqlılar Fəsilə: Kərgədanlar
Latın dilində adı
Rhinocerotidae Gray, 1821
Cinsləri
Ağ kərgədan (Ceratotherium) Qara kərgədan (Diceros ) Hindistan kərgədanı və Yava kərgədanı (Rhinoceros) Sumatra kərgədanı (Dicerorhinus) Yunlu gərgədan (Coelodonta) † Elasmoteri (Elasmotherium) †
Vikinnövlərdə təsnifat Vikianbarda şəkil ÜTMX 624916 MBMM 9803

Kərgədanlar (lat. Rhinocerotidae) — Təkdırnaqlılar dəstəsinə aid məməli heyvan fəsiləsi. Fəsiləyə Afrika və Asiyada yayılmış 5 növ daxildir.

Bədəninin uzunluğu 2,5—4 m, süysününün hündürlüyü 1—2 m, kütləsi 3 t-dək olur. Hətta ağ kərgədanların kütləsi 5 t-a qədər ola bilir. Burnunun üstündə bir-birinin ardınca 1—2 buynuzu olur. Boynu gödək, beli əyilmiş, qarnı sallaqdır. Dərisi qalın və tüksüz, rəngi tünd-bozdur. Yaxşı eşidir və iy bilir, zəif görür. Bədəninin ağır olmasına baxmayaraq qısa məsafədə çox sürətlə — saatda 40—45 km sürətlə qaçır. Cənub-Şərqi Asiyada və Afrikada yayılmışdır. Tropik meşə, savanna və bataqlıqlarda, əsasən cüt, bəzən də kiçik qrup halında yaşayır. Noyabr—dekabrda cütləşir. Boğazlıq dövrü 17—18 aydır. Əti yeməlidir. Mühafizə olunur.