Kral kobrası

Vikipediya, açıq ensiklopediya
Keçid et: naviqasiya, axtar
?Kral kobrası
KINGCOBRA.jpg
Erkək kral kobrası
Elmi təsnifat
Aləmi: Heyvanlar
Yarımaləm: Eumetazoylar
Bölmə: İkitərəflisimmetriyalılar
Yarımbölmə: Sonağızlılar
Tip: Xordalılar
Yarımtip: Onurğalılar
Sinif: Sürünənlər
Dəstə: Pulcuqlular
Yarımdəstə: İlanlar
Fəsilə: Aspidlər
Cins: Kral kobrası
Növ: Kral kobrası
Latınca adı
Ophiophagus hannah (Cantor, 1836)
Sinonimlər
Cins: Hamadryas
Areal
şəkil
Wikispecies-logo.svg
Vikinövlərdə
sistematika
Commons-logo.svg
Şəkil
axtarışı
ÜTMX   700646

Kral kobrası (lat. Ophiophagus hannah və ya Naja bungarus) – kral kobrası cinsinə aid heyvan növü.

Dünyanın ən uzun zəhərli ilan növüdür. Uzunluğu 6,7 m, kütləsi isə 9 kiloqrama qədər ola bilir. Bu növ Cənub-Şərqi Asiyadan Hindistana qədər çox geniş bir arealda yayılmışdır. Bu ilanların qidasını əsasən pitonlar və hətta öz növlərinin kiçikləri də daxil olan ilanlar təşkil edir.

Kral kobralar mərcan ilanı (Micrurus), tikanlı ilan (Acanthophis)qara mamba (Dendroaspis polylepis) ilə birlikdə aspidlər fəsiləsinin ən çox öyrənilmiş dörd növündən biridir.

-- Xüsusiyyətləri -- Kral kobrası iri və güclü ilandır. Orta hesabla 3,6—4 m uzunluğuna və 6 kq kütləyə malik olur. Erkək kobralar dişilərinə görэ daha büyük və daha qalındır. Tailandın cənubundakı Nakhon Sritamart dağlarında şəkli çəkilmiş 5,6 m uzunluğunda kobra bu baxımdan rekord göstəriciyə malikdir. 5,6 m-dən də uzun ilan London zooparkında yaşamışdır. İkinci dünya müharibəsinin başlaması ilə əlaqədar yatırılan bu ilanın uzunluğu 5.7 m olmuşdur.[1]

Dərisi yaşımtıl, narıncıyabənzər, yaxud qara olub açıq yaşıl rəngli zolaqlar bədəni boyunca uzanır. Qarnının alt hissəsi krem və ya açıq sarı rengdə olur. Pulları düzgündür. İndaneziyada olan növləri daha qara və tünd qəhvəyi rəngdədir. Yetişkin ilanın başı olduqca böyük və ağır görünür. Buna görə də digər ilanlar kimi, onlar da çənələrini genişlədərək ovlarını uda bilirlər. Kral kobrasının ağzının ön tərəfində zəhər kanallarının olduğu iki kiçik zəhər dişi vardır. Bu növlər orta hesabla 20 il yaşayırlar və hər il 30 sm-ə qədər böyüyə bilirlər.

Zəhər[redaktə]

Kral kobrası hücüm zamanı zəhər vəzilərinin kanallarını əzələlər vasitəsilə bağlamaqla tənzimləyir. Baxmayaraq ki, bir kral kobrasının zəhəri 20 insanı öldürə biləcək miqdardadır, bir çox hallarda ilan sadəcə zəhər buraxmadan dişləməklə insanı qorxutmağa cəhd edir. Görünür zəhərin təsadüfi və lazımsız yerə istifadə olunması onun üçün arzuolunmazdır. Bu, hər şeydən əvvəl ov zamanı zəhərin ilan üçün mühüm əhəmiyyət kəsb etməsinə görə ola bilər.

Kral kobrasının zəhəri əsasən sinir sisteminə təsir edir.

Birinci sancma zamanı zəhərlənmədə insan ölümlə üzləşə bilər. Bu halda ölüm ehtimalı 75%-dən artıq ola bilər. Lakin kral kobrası dişləmələrinin ümumi statistikası onu göstərir ki, ilan sancmaları cəmi 10%-i insan ölümünə səbəb olur.

Bəzən kral kobrası sancdıqdan dərhal sonra hətta Hindistan fili də ölmüşdür.

Hindistanda kral kobrası sancmalarından ölənlərin sayı çox azdır. Baxmayaraq ki, burada hər il zəhərli ilanlar 50000-ə yaxın insanın həyatına son qoyur.

İstinadlar[redaktə]

  1. Wood, The Guinness Book of Animal Facts and Feats. Sterling Pub Co Inc (1983), ISBN 978-0-85112-235-9