Kunoiçi
Kunoiçi (くノ一?) — qadın nindza və ya nincitsu (ninpo) ilə məşğul olan qadın.
Etimologiya[redaktə | mənbəni redaktə et]
Versiyaya görə "Kunoiçi" termini yapon dilində "qadın" sözünü yazmaq üçün istifadə olunan 女 kancisini təşkil edən xətlərin hiraqana, katakana və kanci oxunuşlarından yaranmışdır.
- "く" hiraqanası "ku" kimi oxunur
- "ノ" katakanası "no" kimi oxunur
- "一" kancisi "içi" kimi oxunur, mənası "bir"dir.
"Kunoiçi" termini Edo dövründə elə də geniş istifadə olunmayıb. Çünki həmin dövrdə qadın kancisi düz yazıda yox, kursiv yazıda yazılırdı və buna görə də kursiv yazıda qadın kancisini く, ノ və 一 işarələrinə ayırmaq mümkün deyildi.
Tarixi istifadəsi[redaktə | mənbəni redaktə et]
Nindzalar üçün əl kitabçası kimi tərtib olunmuş "Bansenşukay" kitabının 8-ci cildində Kunoichi-no-jutsu (くノ一の術?) sözü təsvir olunur. Bu termin "qadından istifadə etmək üçün texnika" kimi tərcümə oluna bilər.[1] Sözün "qadın nindza" şəklində tərcümə olunması son dövrlərə təsadüf edir. İlk dəfə 1964-cü ildə yazıçı Futaro Yamada "Ninpō Hakkenden" (忍法八犬伝?) romanında bu sözü bu mənada işlətmişdir və sonrakı illərdə populyar olmuşdur.
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ Seiko Fujita, From Ninjutsu to Spy Warfare (忍術からスパイ戦へ). Higashi Shisha, 1942.
Ədəbiyyat[redaktə | mənbəni redaktə et]
- Yuya Yoshimaru (associate professor of Mie University). What is Kunoichi? (くのいちとは何か) // Origins of the Ninja (忍者の誕生). April 2017. ISBN 978-4-585-22151-7.