Livorno FK

Livorno FK
Unione Sportiva Livorno 1915
Klubun rəsmi loqosu
Ölkə	İtaliya
Ləqəb(lər)	I Labronici
Rəng(lər)	tünd qırmızı, ağ
Yaranma tarixi	1915, 1991, 2021
Ev forması Səfər forması Üçüncü forma
Rəsmi saytı
Vikianbarda əlaqəli mediafayllar

"Livorno FK" (it. Associazione Sportiva Livorno Calcio SrL) — İtaliya futbol klubu. 1915-ci ildə İtaliyanın eyni adlı şəhərində yaradılıb. Hal hazırda İtaliya D Seriyasında çıxış edir.

Tarixi

"Livorno"nun tarixi 1915-ci ildə, "Livorno Calcio" futbol klubunun yarandığı vaxtdan başlayır. 1915-ci ildə, qurulduğu ildə "Livorno", İtaliya çempionatının ən yüksək liqasının üzvu olur.

1919/20 mövsümündə komanda Milan Liqanın final oyununda "İnter" klubuna məğlub olaraq gümüş medal qazanır.

1923-cü ildə "Livorno" finalda "Verona"ya 2:1 hesabı ilə qalib gələrək İtaliya Kubokunu qazanır.

1929-cu ildə A Seriyası qurulduqdan sonra "Livorno" İtaliyanın lider klublarından biri idi, lakin 1930-cu illərdən başlayaraq "Livorno" milli çempionatdakı mövqeyini itirməyə başladı. Komanda 1920-ci ildəki uğurlarını yalnız 1942/43 mövsümündə təkrarlamağı bacardı. "Livorno" o zaman yenilməz klub olan "Torino" klubuna məğlub oldu.

II Dünya Müharibəsindən sonra klub daha da zəiflədi və 1949-cu ildə A Seriyasını tərk etdi. Klub B Seriyasında və hətta C Seriyasında uğursuzluğa düçar oldu, lakin buna baxmayaraq, o, azarkeşlər arasında populyarlığını itirmədi.

1991-ci ildə "Livorno" peşəkar statusundan məhrum edildi və klubda yenilənmə getdi. Ancaq yeni yaradılan klubun altıncı diviziondan A Seriyasına gedən yolu keçmək üçün cəmi 13 il çəkdi, uzun fasilədən sonra elitada ilk mövsümündə 9-cu yeri tutdu və klubun uğurlarında bombardir hücumçusu Kristiano Lukarelli xüsusi əməyi oldu.

2005/06 mövsümündə komanda əvvəlki mövsümdəki uğurlarını təkrarlamağı bacardı. Üstəlik, "Yuventus", "Milan" və "Latsio" klublarının diskvalifikasiyası sayəsində "Livorno" 1/16 finala çıxdığı UEFA kubokunda oynamaq hüququ qazandı .

14 aprel 2012-ci il tarixində, B Seriyasının 35-ci turunun "Peskara" ilə səfər oyununda (0: 2), "Livorno"nun futbolçusu Pyermario Morosini həyatını itirir Morosininin xatirəsinə Livorno ona oynadığı 25 nömrəsini ömurluk toxunulmaz saxladı.

İtaliya çempionatının dvizionlarında mövsum sayı

Dvizion	Mövsüm sayı	Debüt	Son mövsüm
A	18	1919/20	2013/14
B	27	1931/32	2019/20
C	42	1952/53	2020/21
D	1	1992/93	1992/93

Tanınmış oyunçuları

• Marko Ameliya
• Luka Vidciani
• Françesko Koko
• Kristiano Lukarelli
• İqor Protti
• Vikash Doraso
• Tomas Danilevicius
• Mozart Santos Batista Junior

Azarkeşlər

Roma ilə matç zamanı Livorno azarkeşləri. Mövsüm 2006/2007

Livorno ultrasları, solçu siyasi fikirlərə bağlılığı və Latsio, İnter, Verona, Milan kimi klubların sağ yönumlu azarkeşləri ilə və " Romanın bəzi azarkeş qrupları ilə şiddətli və tez-tez qarşıdurmaları ilə tanınır. Kommunist və anarxist simvollar ev tribunasında geniş istifadə olunur, Stalin və Çe Gevaranın obrazları çox populyardır.

Xarici keçidlər

• Klubun rəsmi saytı  (ital.) )
• Azarkeş saytı  (ital.) )