Medveji adası (Çanı gölü)
| Medveji adası | |
|---|---|
| rus. Медвежий | |
| Ümumi məlumatlar | |
| Əhalisi | 0 nəfər (2015-ci il) |
| Yerləşməsi | |
| 54°58′52″ şm. e. 77°25′41″ ş. u. | |
| Ölkə |
 Rusiya |
| Vilayət | |
|
|
|
|
|
|
.jpg)
Medveji adası — Rusiya Federasiyasının, Novosibirsk vilayətində, Çanı gölündə yerləşən ada. Adanın ümumi sahəsi 548,6 ha-dır. 22 aprel 2008-ci ildə adaya regional əhəmiyyətli təbiət abidədi statusu verilmişdir.
Təsviri[redaktə | mənbəni redaktə et]
Ada gölün şimal-qərb hissəsində yerləşir. Adanın təməlini batmış qədim quru parçası təşkil edir. Yaxınlığında yerləşən digər adalarında eyni istiqamətdə uzanmasını görmək olar. Ada şimal-şərqdən cənub-qərbə doğru uzanmış formadadır. Ada şimaldan şərqə doğru 8691 m məsafədə uzanır. Sahil boyu perimetri 21 061 metrdir. Cənub-qərb hissəsində yerləşən Medveji burnunun qumlu torpağını məhv edən və ağacların köklərini yuyan külək və dalğaların təsiri səbəbindən tədricən daha alçaq olmağa başlamışdır. Şimalında Kolpaçok, cənub-şərqində Uzkoredski, cənubunda isə Çerexumov və Redenski adaları yerləşir. Matriklə arasında ən uyaxın məsafə 3 kilometrdən çoxdur. Ən yaxın quru parçası Çerexumov və Uzkoredski adalarıdır. Bu adalar Medveji adasından təqribən eyni məsafədə yerləşir.
Flora və fauna[redaktə | mənbəni redaktə et]
Adanın quru hissəsindəki bitki örtüyü çöl, meşə-çöl və çəmən növləri ilə təmsil olunur. Sahil xətti boyunca su bitkiləri yayılmışdır. Ada üzəri və ətrafında 73 növ bitki vardır.
Burada 120 növ onurğalı və 419 növ onurğasız heyvan yaşayır. Onlardan 357 növü həşəratlardır.
Təbiət abidəsi daha çox yuxvalayan və miqrasiya edən quşlar üçün əhəmiyyətlidir.
3 növ bitki və 14 növ quş Rusiya və Novosibir vilayətinin qırmızı kitabına daxil edilmişdir: ağquyruq dəniz qartalı, çay qaraquşu, çöl qartalı, şahin, böyük xallı qartal, ördəktutan qızılquş, Gelochelidon nilotica, qarabaş qağayı, Hydroprogne caspia, ağqaş qaz, iri ağ vağ, qıvrımlələk qutan, qırmızıdöş qaz, fısıldayan qu quşu. Yaxınlıqdakı Uzkoreki adasında yayılan eyni növlər Novosibirsk vilayətinin Qırmızı Kitabına daxil edilmişdir[1][2].
Tarixi[redaktə | mənbəni redaktə et]
Əvvəllər adada Medvedev qardaşlarına aid torpaq sahələri olmuşdur. Ehtimal ki, adanın adıda bu qardaşların soyadından götürülmüşdür.
1919-cu ildə burada əvvəlki sahiblərindən əmlak və mal-qara almış 9 yoxsul ailədən ibarət Niva komunası qurulmuşdur: 30 at, 30 donuz, 50 inək, 100 qoyun, 40 ördək və qaz, 5 ot biçən maşın, əkin sahəsi, anbar, yaşayış evləri və bostan sahələri.
1950–1960-cı illərdə adada qarpız yetişdirilirdi.
Yenidənqurma vaxtına qədər barjalarda adaya daşınan kənd təsərrüfatı heyvanları burada otlanırdı[3][4].
İstinadlar[redaktə | mənbəni redaktə et]
- ↑ "Памятник природы регионального значения "Остров Медвежий". Туристический портал Новосибирской области". 2019-09-13 tarixində arxivləşdirilib. İstifadə tarixi: 2019-11-01.
- ↑ "Остров Медвежий. ООПТ России". 2021-02-26 tarixində arxivləşdirilib. İstifadə tarixi: 2019-11-01.
- ↑ "В краю заповедном. Материал газеты "Советская Сибирь" № 170 от 2.09.2000". 2018-05-27 tarixində arxivləşdirilib. İstifadə tarixi: 2019-11-01.
- ↑ "Остров Медвежий". 2018-05-27 tarixində arxivləşdirilib. İstifadə tarixi: 2019-11-01.