Microsoft Excel

Vikipediya, açıq ensiklopediya - ویکیپدیا ، آچیق انسایکلوپدیا

Microsoft Excel - hər cür hesablama işləri aparmaq və müxtəlif məqsədli elektron cədvəllər qurmaq üçün nəzərdə tutlmuş proqramdır. Proqram Microsoft kompaniyası tərəfindən yaradılmış və Microsoft Windows, Windows NT и Mac OS sistemləri üçün nəzərdə tutulmuşdur. Bu tip proqramları elektron cədvəllər də adlandırırlar.

[redaktə / تحریر] Versiyalar

Windows və Windows NT üşün versiyalar

1988 — Excel 2.0
1990 — Excel 3.0
1992 — Excel 4.0
1993 — Excel 5.0 (Windows NT)
1995 — Excel 7 (Windows 95)
1997 — Excel 97
1999 — Excel 2000 (9) — Microsoft Office 2000
2001 — Excel 2002 (10) — Microsoft Office XP
2003 — Excel 2003 (11) — Microsoft Office 2003
2007 — Excel 2007 (12) — Microsoft Office 2007

[redaktə / تحریر] Ümumi məlumat

Microsoft Excel proqramı ilə işə başlamaq üçün Пуск (Start) menyusunun Программы (Programs) hissəsindən Microsoft Excel sətrini seçin.

Microsoft Excel proqramı işə düşdükdə ekranda beş hissədən ibarət olan işçi sahə görünür: işçi kitabın pəncərəsi, menyular sətri, Стандартные (Standard) və Форматирование (Formatting) alətlər paneli, vəziyyətlər sətri və düsturlar sətri.

Microsoft Excel proqramında açılan hər bir fayl Excel kitabı adlanır. MS Excel işçi kitabında verilənlər saxlanılır və dəyişdirilir. Hər bir Excel kitabı işçi vərəqlərdən ibarətdir. Hər bir vərəq 256 sütun və 65536 sətrdən ibarətdir. Yeni işçi kitabı açılarkən ekranda təmiz işçi vərəq görünür. Bir Excel kitabı 5, 10, 25 və s. sayda vərəqlərə malik ola bilər.

Excel kitabına daxil olan bütün vərəqlər bir fayl (.xls) altında yadda saxlanılır.

[redaktə / تحریر] Hesablamaların aparılma qaydaları

Hesablama əməliiyatı aparmazdan qabaq xanada mütləq «=» işarəsi yazılır, hesablamalarda klaviaturanın sağ tərəfində yerləşdirilmiş rəqəm və / , * , - , + işarələrindən istifadə olunur. Məsələn, =A1/D2

Faizin hesablanması. 80 rəqəminin 20%-ni hesablayaq: boş xanada «=» işarəsi yazılır, 80 rəqmi yazılmış xana göstərilir, «*» işarəsi yazılır, daha sonra 20% (%- Shift+5) yazılır və Enter düyməsi basılır: =D2*20%
Verilənlərin cəminin tapılması. Məs., hər-hansı diapazonda olan rəqəmləri toplamaq üçün «+» üsülu çox vaxt aparır və bu məqsədlə SUM funksiyası istifadə olunur. Kursorla nəticə daxil olacaq xana qeyd olunur, alətlər panelində yerləşən Автосумма (AutoSum) düyməsi vurulur, qeyd olunan xanada məs., «=SUM(C3:C13)» yazılır, Ctrl düyməsini basılı saxlayaraq diapazonlar göstərilir və Enter düyməsi basılır. Xanada cəmləmənin nəticəsi, düsturlar sətrində isə düstur göstərilir. Məs.:=SUM(A2:A3,B3,C3:C4,B6,A8)

Düstur funksiyanın adından və diapazon ünvanından ibarətdir. Diapazon bir neçə ünvan və ünvanlar qrupundan ibarət ola bilər. Məs., gördüyünüz cədvəldə daxil olunmuş rəqəmlərin cəmini verilən düstur ilə tapmaq olar. Bu düsturda bir neçə ünvan ilə hesablamalar aparılır. Burada qonşu olan ünvanlar «:» işarəsi ilə, qonşu olmayan ünvanlar isə «;» işarəsi ilə ayrılır. Funksiya yazılışının ümumi qaydaları: =_funksiyanın adı_(_iş diapazonu_)_