Miladi tarix

Vikipediya, açıq ensiklopediya
Keçid et: naviqasiya, axtar

Miladi tarix (lat. Anno Domini) - İsa Məsihin doğumunun yeni eranın başlanğıcı kimi qəbul edilməsi və həmin tarixin il hesablanması üçün başlanğıc nöqtəsi götürülməsinə əsaslanan anlayış. Qriqorian təqviminə əsasən bəşəriyyət tarixi eramızdan əvvələ və bizim eraya bölünür. Bu hesablamada sıfırıncı il yoxdur. Belə ki, eramızdan əvvəl 1-ci ildən sonra eramızın 1-ci ili gəlir.

Bu il hesablama sistemi eramızın VI əsrində kilsə xadimi iqumen Kiçik Dionisi tərəfindən müəyyənləşdirilmiş İsa Məsihin doğum tarixinə əsaslanır. Lakin hazırda onun hesablamalarının səhv olduğu güman edilir. Belə ki, İsanın eramızdan əvvəl 4-cü ildən (Böyük İrodun vəfat ili) sonra doğulmuş olması mümkün sayılmır.

Bu sistem VIII əsrdə ingilis tarixçisi Beda tərəfindən istifadə edildikdən sonra qərbdə il hesablanması üçün standart kimi qəbul edilmişdir.