Mirzəmət Novruzov
| Mirzəmət Novruzov | |
|---|---|
| Mirzəmət Əlimət oğlu Novruzov | |
 | |
| Doğum tarixi | |
| Doğum yeri | Qusar rayonu, Ləcət kəndi |
| Vəfat tarixi | (75 yaşında) |
| Vəfat yeri | Bakı |
Mirzəmət Əlimət oğlu Novruzov (d.25.12.1936. Qusar rayonu, Ləcət kəndi — ö. 29.12.2011. Bakı) — ATU-nun Əsaslı Kitabxanasının direktoru (1980–2011)
Həyatı[redaktə | mənbəni redaktə et]
Mirzəmət Əlimət oğlu Novruzov 1936-cı il dekabr ayının 25-də Qusar rayonunun Ləcət kəndində anadan olmuşdur. 1948-ci ildə Ləcət kənd ibtidai məktəbini, 1951-ci ildə Cibir kənd yeddiillik məktəbini bitirmişdir. Əmək fəaliyyətinə 1953-cü ildə Ləcət kənd kitabxanasında kitabxanaçı vəzifəsində işləməklə başlamışdır.
1957-ci ildə Bakı Kitabxanaçılıq Texnikumunda təhsil almış, 1957–1959-cu illərdə Qusar rayon mədəniyyət evində bədii rəhbər vəzifəsində işləmişdir.
1959–1962-ci illərdə Sovet Ordusu sıralarında xidmət etmiş, 1967-ci ildə Bakı Dövlət Universitetinin kitabxanaçılıq fakültəsini fərqlənmə diplomu ilə bitirmişdir.
1969-cu ilin fevral ayından 1980-ci ilin iyun ayınadək Azərbaycan Respublika Kənd Təsərrüfatı Elmi Kitabxanasında baş kitabxanaçı-metodist vəzifəsində işləmişdir.
1980-ci ildən ömrünün sonunadək ATU-nun Əsaslı Kitabxanasının direktoru vəzifəsində çalışmışdır. O, işlədiyi müddətdə Əsaslı Kitabxananın ştat vahidinin 35-dən 70-ə çatdırılmasına, əmək haqlarının ödənilməsi tarifini III qrupdan II qrupa keçirilməsinə nail olmuşdur. Kitabxanada yeni şöbələr və bölmələr yaradılmışdır.
M. Novruzov Əsaslı Kitabxananın ictimai işlərində öz əməyini əsirgəməmişdir. O, ömrünün 58 ilini kitabxana işinə həsr etmişdir.
O, Əsaslı Kitabxananın direktoru vəzifəsində işlədiyi müddətdə universitetin elmi, pedaqoji fəaliyyətində, tədris prosesində, ideya-tərbiyə işlərinin həyata keçirilməsində öz əməyini əsirgəməmişdir. Özünün ciddi, tələbkar olması ilə bərabər qayğıkeşliyi ilə də kollektivin sevimlisinə çevrilmişdir.
1980-ci ildən direktor vəzifəsində işləyən Mirzəmət Novruzov 2011-ci il dekabrın 29-da dünyasını dəyişmişdir.