Moniezioz
Moniezioz (lat. Monieziosis) — gövdeşən heyvanlarda helmint xəstəliyi.
Etiologiya[redaktə | mənbəni redaktə et]
Moniezioz Moniezia cinsindən olan sestodların nazik bağırsaqla parazitlik etməsi nəticəsində baş verir. Parazitin uzunluğu 1–6 (bəzən 10) metrə çatır. İnkişafı xarici mühitdə yayılmış aralıq sahibi – oribatid gənələrinin iştirakı ilə gedir. Əsasən, quzu, çəpiş və buzovlarda bir yaşadək, bəzən də iki yaşında xəstələnir; mədə-bağırsaq pozğunluğu, arıqlama, sancı, qıcolma və s. müşahidə edilir. Moniezioz cavan heyvanların tələfatına səbəb olur.[1]
Müalicəsi[redaktə | mənbəni redaktə et]
Antihelmintlərdən (qalay 2-arsenat, mis kuporosu məhlulu, fenasal və s.) istifadə etmək.[1]
Profilastikası[redaktə | mənbəni redaktə et]
Cavan heyvanları yaşlılardan ayırıb mədəni otlaq və xəsilliklərdə otarmaq, quzulara otlaq dövründə mis kuporosu ilə duz qatışığı vermək, buzovları bordaq gəzinti sahələrində saxlamaq və s.[1]
İstinadlar[redaktə | mənbəni redaktə et]
- ↑ 1 2 3 Мониезиоз // Азәрбајҹан Совет Енсиклопедијасы: [10 ҹилддә]. VII ҹилд: Мисир—Прадо. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1983. С. 50.