Nazim İbrahimov
| NAZİM İBRAHİMOV | |
| Nazim Sadıq oğlu İbrahimov | |
 |
|
| Doğum tarixi: | 1 fevral 1935-ci il |
|---|---|
| Doğum yeri: | Bakı |
[redaktə] Həyatı
İbrahimov Nazim Sadıq oğlu 1935-ci ilin 1 fevralında Bakıda anadan olub. 1957-ci ildə Azərbaycan Dövlət Universitetini bitirib. İxtisasca geoloq-geofizikdir, elmlər namizədidir.
1957-1970-ci illərdə mühəndis-geoloq, partiya rəhbəri, ekspedisiya başçısı, 1971-1980-cı illərdə Bakı şəhəri Oktyabr rayonu partiya komitəsinin I katibi, 1980-1989-cu illərdə nəşriyyat, poliqrafiya və kitab ticarəti işləri üzrə Dövlət Komitəsinin sədri, 1991-ci ildə Azərbaycan Elmlər Akademiyası prezidentinin müavini, 1991-1992-ci illərdə Azərbaycan Dövlət Ensiklopediyasının baş redaktoru, 1993-2005-ci illərdə "Azərbaycan" nəşriyyatının baş direktoru olub.
1975-ci və 1990-cı illərdə - Azərbaycan SSR Ali Sovetinin deputatı, Respublika Ali Sovetinin plan-büdcə komissiyasının sədri olub. "Drujba narodov", "Krasnoe Znamya" ordenləri, "Znak Poçeta" və digər medallarla, eləcə də Ali Sovetin fərmanları ilə təltif olunub.
"Prezident Heydər Əliyev", "Zərifə Əliyeva" kimi fundamental kitabların, həmçinin, "Üzeyir Hacıbəyov", "Cəlil Məmmədquluzadə" ensiklopediyalarının baş redaktoru və 10 cildlik Azərbaycan Sovet Ensiklopediyası redkollegiyasının üzvüdür. "Natəvan" operasının libretto müəllifidir.
1995-2004-cü illərdə - Olimpiya Komitəsinin üzvü, Azərbaycan Tennis Federasiyasının prezidenti, həlledici səslə Beynəlxalq və Avropa Tennis Federasiyasının üzvü olub.
2006-cı ildən Azərbaycan Yazıçılar Birliyinin məsul katibidir.
İki övladı və dörd nəvəsi var.
