Ncamena

Ncamena Universitetinin binası

Ncamena (fr. Ndjamena, ərəb. نجامين‎‎ Nijāmīnā “istirahət yeri”), 1973-cü ilə qədər Fort-Lami (fr. Fort-Lamy)) — Çadın paytaxtı, Şari-Bağirmi nahiyəsinin inzibati mərkəzi. Şari çayının sağ sahilində, Laqon çayı tökülən yerdə yerləşir. Çadın 22 regionundan biridir, özü də 10 şəhər bölgəsinə bölünür.

Əhalisi, dil və din

2009-cu il siyahıyaalmaya görə 993 492 nəfər əhalisi var. Əsəs əhali müxtəlif etnik qruplara aiddir, qalanları ərəblər və avropalılardır. Rəsmi dillər fransız və ərəb dilləridir. Bunlardan başqa məişət səviyyəsində nil-saxar, afraziya və niger-kardofan dillərində danışırlar. Əsas əhali islam dininə sitayiş edir, xristianlar bir qədər azdır. Əhalinin bir hissəsi yerli dinlərə sitayiş edirlər.

Mədəni vəziyyəti

Şəhərin yaşlı əhalisinin yarıdan çoxu savadsızdır. Müəllimlərin və xidmət sahələri qulluqçularının əksəriyyəti fransızlardır. Buna baxmayaraq şəhərdə Ncamena Universiteti, Zootexnika və Veteraniya İnstitutu, Humanitar Elmlər Milli İnstitutu, Tropik Ölkələrin Heyvandarlıq və Veteneariya İnstitutu, Pambıqçılıq İnstitu, Milli Administrasiya Məktəbi, Milli Muzey fəaliyyət göstərir.