Ncamena

Vikipediya, açıq ensiklopediya
Keçid et: naviqasiya, axtar
Böyük Ncamena Məscidi



Ncamena (fr. Ndjamena, ərəb. نجامين‎‎ Nijāmīnā “istirahət yeri”), 1973-cü ilə qədər Fort-Lami (fr. Fort-Lamy)) — Çadın paytaxtı, Şari-Bağirmi nahiyəsinin inzibati mərkəzi. Şari çayının sağ sahilində, Loqon çayı tökülən yerdə yerləşir. Qonşu ölkə Kamerunun Kousseri şəhəri ilə körpüylə birləşir. Ncamena Çadın 22 regionundan biridir və "arrondisment" adı verilən şəhərdən daha kiçik 10 inzibati vahidə bölünür. Ncamenanın xüsusi idarə statusu var.

Görməli-gəzməli yerləri[redaktə]

Ncamenanın əsas prospektləri Çarlz de Qaul və Avenue Feliks Eboue prospektləridir. Həmin prospektlərdə "Ncamena Milli Katedralı" (kilsəsi) və "Milli Muzeyi" yerləşir. Həmçinin, şəhərdə "Böyük Ncamena Məscidi", "Liberasiya və Başnazirlik Sarayı" və "Zakouma Təbii Parkı" kimi görməli yerlər var.

Əhalisi, dil və din[redaktə]

2009-cu il siyahıyaalmaya görə 993 492 nəfər əhalisi var. Əsas əhali müxtəlif etnik qruplara aiddir, qalanları ərəblər və avropalılardır. Rəsmi dillər fransızərəb dilləridir. Bunlardan başqa məişət səviyyəsində nil-saxar, afraziya və niger-kardofan dillərində danışırlar. Əsas əhali islam dininə sitayiş edir, xristianlar bir qədər azdır. Əhalinin bir hissəsi yerli dinlərə sitayiş edirlər.

Mədəni vəziyyəti[redaktə]

Şəhərin yetkin əhalisinin yarıdan çoxu savadsızdır. Müəllimlərin və xidmət sahələri qulluqçularının əksəriyyəti fransızlardır. Buna baxmayaraq şəhərdə Ncamena Universiteti, Zootexnika və Veteraniya İnstitutu, Humanitar Elmlər Milli İnstitutu, Tropik Ölkələrin Heyvandarlıq və Veteneariya İnstitutu, Pambıqçılıq İnstitu, Milli Administrasiya Məktəbi, Milli Muzey fəaliyyət göstərir.

Əhalisi[redaktə]

Əhalinin illərə görə artımı aşağıda verildiyi kimidir:

  • 1937 : 9 976
  • 1940 : 12 552
  • 1947 : 18 375
  • 1968 : 126 483
  • 1993 : 529 555
  • 2005 : 721 000

Qardaş şəhərlər[redaktə]

  • Tuluz, Fransa, (1980-ci ildən bəri)