Pişiklər

Vikipediya, açıq ensiklopediya
Keçid et: naviqasiya, axtar
Pişiklər
Pişiklər
Yaquar (Panthera onca)
Elmi təsnifat
Aləmi: Heyvanlar
Tip: Xordalılar
Sinif: Məməlilər
İnfrasinif: Plasentalılar
Dəstəüstü: Laurasiatheria
Dəstə: Yırtıcılar
Yarımdəstə : Pişikkimilər
Fəsilə: Pişiklər
Latın dilində adı
Felidae
Yarımfəsilə

Wikispecies-logo.svg
Vikinnövlərdə
təsnifat

Commons-logo.svg
Vikianbarda
şəkil

ÜTMS 180580
MBMM 9681

Pişiklər (lat. Felidae) — yırtıcılar dəstəsinə aid fəsilə.

Bütün müasir və nəsli kəsilmiş pişikkimilərin başı kiçik, gövdəsi yaraşıqlı və əzələli, ayaqları gödək, lakin güclüdür. Caynaqları tamamilə, yaxud qismən içəri çəkilə bilir. Əksəriyyətinin quyruğu uzundur. Bir qismi balaca (ev pişiyi), digəri iridir (şir, pələng). Tükləri qısadır; şimali və yüksək dağlarda yaşayan növlərin tükü tropik qurşaqlarda yaşayanlara nisbətən daha xovludur. Tropik meşə növlərinin rəngi çox vaxt əlvan (boz, narıncı, yaxud bozumtul fonda qara ləkələr, yaxud zolaqlar) olur. Şimal çöl və səhra növləri sarı, yaxud qum rənglidir; qarnı ağdır. Vəhşi pişikkimilər bütün materiklərdə və iri adalarda (Yeni Qvineya, Madaqaskardan başqa) yayılmışdır. Tropiklərdə daha çoxdur. Axşam və gecə həyatı keçirirlər. Məməliləri, quşları, sürünənləri, balıqları, bəzən də cücüləri yeyir. Xırda növlər hər il, iri növlər isə 2-3 ildən bir çoxalır; yalnız ev pişiyi tez-tez balalayır. Xırda növləri 5-6, iri növlər 2-4 bala doğur.