Portal:Alatoran/Giriş

Alatoran Amerika yazıçısı Stefani Mayer tərəfindən yazılmış vampirlərdən bəhs edən fentezi/sevgi romanları seriyasıdır. Roman Forks, Vaşinqtona gələrək burada yüz dörd yaşlı vampir Edvard Kallenə aşiq olan gənc qız Bella Svonun həyatından bəhs edir. Romanlarda hadisələr Bella Svonun, Tutulma romanının epiloqunda və Sübh romanın ikinci hissəsində isə romanların əsas qəhrəmanlarından biri olan canavar adam Ceykob Blekin dilindən nəql edilir. Nəşr olunmamış Gecəyarısı günəşi romanında isə Alatoran romanındakı hadisələr Edvard Kallenin dilindən nəql olunur.

2005-ci ildə seriyanın ilk kitabı olan Alatoranlığın satışa çıxarılması ilə kitabların bütün dünyanı əhatə edən məşhurluğu və uğurlu tarixçəsi başlanmşdır. Kitablar daha çox gənclər arasında məşhur olmuşdur; hər dörd kitab müxtəlif mükafatlara layiq görülmüşdür ki, onlardan 2008-ci ildə Sübh romanınn "Ən Yaxşı Uşaq Kitabı" nominasiyasında "Britaniya Kitab Mükafatı", 2009-cu ildə isə bütün seriyanın "2009 Kids' Choice Award" mükafatına layiq görülməsini qeyd etmək olar. 2009-cu ilin noyabrından etibarən seriyaya daxil olan kitablar bütün dünyada 38 dildə, 85 milyon nüsxədən çox satılmışdır. Alatoran romanlar seriyası 2008-ci ildə USA Today qəzetinin tərtib etdiyi il ərzində ən çox satılan kitabların siyahısında birinci yerdə qərarlaşdırılmışdır.

Romanlar seriyasını təşkil edən dörd kitab əsasında Summit Entertainment tərəfindən Alatoran Saqa film seriyası çəkilmişdir; seriyaya daxil ola ilk film olan Alatoran 2008-ci ildə, ikinci film Alatoran Saqa: Yeni ay 2009-cu ildə təqdim edilmişdir. Üçüncü film, Alatoran Saqa: Tutulma 2010-cu ildə satışa çıxarılmışdır. Sübh isə iki hissəli film şəklində ekranlaşdırılmış, onlardan birincisi 2011, digəri isə 2012-ci ildə təqdim edilmişdir.

Alatoran haqqında daha çox ...